Aqtaýda qalasynyń mańynan ustalǵan arystannyń iesi izdestirilip jatyr, dep habarlaidy "Ult aqparat".
Eske sala ketsek buǵan deiin politsiia qyzmetkerleriniń Aqtaý qalasynyń mańynan arystan ustap alǵany habarlanǵan bolatyn. 102 pýltine Aqshúkir kentinde emin-erkin júrgen arystan týraly habar kelip túsken. Ańdy inspektorlar ustap aldy.
Osy oqiǵaǵa bailanysty Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet túsinik berdi.
Onyń aitýynsha 25 maýsymda, iaǵni búgin saǵat tańǵy 05.30 shamasynda jergilikti halyqtan Mańǵystaý oblysynyń Túpqaraǵan aýdany Aqshuqyr aýylynyń mańynda arystannyń júrgeni týraly habarlama kelip túsken.
«Mańǵystaý oblysynyń Politsiia departamenti men Orman sharýashylyǵy jáne janýarlar dúniesi komitetiniń oblystyq departamenti jabaiy ańdy ustaýǵa shyqty. Mamandar arystandy ustady. Qazirgi ýaqytta arystan «Qoshqar Ata» eldimekeninde baqylaýda», - dep jazdy Sáken Dildahmet Facebook paraqshasynda.
Ańnyń jasy shamamen 1-1,5 jasta. Arystan - atalyq (erkegi yzaqor dep atalady). Afrikalyq arystannyń bir túri. Túrine qaraǵanda úi arystany. Adamdardan qoryqpaidy. «Arystan SITES konventsiiasynyń (joǵalý qaýpinde turǵan, jabaiy faýna men flora túrleriniń halyqaralyq saýdasy boiynsha konventsiiasy) tizimine engizilgen.
«Onyń iesin anyqtap, qujattar tekserilgennen keiin arystannyń jaiy ary qarai ne bolatyny sheshiledi», - dep jazady Sáken Dildahmet.
