پەنتاگون كاريب تەڭٸزٸندە اقش ەسكەري-تەڭٸز كٷشتەرٸنە تيەسٸلٸ ەسمينەتستە كوروناۆيرۋس وشاعى انىقتالعانىن, بٸر تەڭٸزشٸنٸڭ ەۆاكۋاتسييالانعانىن راستادى.
24 سەۋٸردە پەنتاگونداعى باسپاسٶز مەسليحاتى كەزٸندە Kidd توبىنداعى ەسمينەتستە ينفەكتسييا تارالعانى تۋرالى اقپارات رەسمي تٷردە راستالدى. "امەريكا داۋىسى" سايتىنىڭ جازۋىنشا, ينفەكتسييا تارالعانى تۋرالى اقپاراتتى بٸرٸنشٸ بولىپ Reuters اگەنتتٸگٸ حابارلاعان. پەنتاگونداعى قۇپييا دەرەككٶزگە سٷيەنگەن اگەنتتٸك وننان استام تەڭٸزشٸدەن ۆيرۋس تابىلعانىن جارييالاعان ەدٸ.
ەسمينەتس ەكيپاجى كاريب تەڭٸزٸندە ەسٸرتكٸ ترافيگٸمەن كٷرەس بويىنشا تاپسىرما ورىنداعان.
CNN ارناسىنىڭ حابارلاۋىنشا, اقش ەسكەري-تەڭٸز كٷشتەرٸنٸڭ 26 كەمەسٸندە تەڭٸزشٸلەردەن كوروناۆيرۋس تابىلعان. بۇل كەمەلەردٸڭ بارلىعى قازٸر پورتتاردا نەمەسە جٶندەۋگە جٸبەرٸلگەن.
اقش-تىڭ قورعانىس مينيسترلٸگٸ كوروناۆيرۋس جۇققان تەڭٸزشٸلەر مەن كەمەلەر سانى تۋرالى ايتپادى. CNN تەلەارناسىنىڭ حابارلاۋىنشا, 3578 امەريكالىق ساربازدان كوروناۆيرۋس تابىلعان. ەكەۋٸ قايتىس بولعان. "تەودور رۋزۆەلت" ۇشاق تاسىعىشىندا 800 تەڭٸزشٸدەن كوروناۆيرۋس تابىلعان. بٸر ادام قايتىس بولعان.
