Pentagon Karib teńizinde AQSh áskeri-teńiz kúshterine tiesili esminetste koronavirýs oshaǵy anyqtalǵanyn, bir teńizshiniń evakýatsiialanǵanyn rastady.
24 sáýirde Pentagondaǵy baspasóz máslihaty kezinde Kidd tobyndaǵy esminetste infektsiia taralǵany týraly aqparat resmi túrde rastaldy. "Amerika daýysy" saitynyń jazýynsha, infektsiia taralǵany týraly aqparatty birinshi bolyp Reuters agenttigi habarlaǵan. Pentagondaǵy qupiia derekkózge súiengen agenttik onnan astam teńizshiden virýs tabylǵanyn jariialaǵan edi.
Esminets ekipajy Karib teńizinde esirtki trafigimen kúres boiynsha tapsyrma oryndaǵan.
CNN arnasynyń habarlaýynsha, AQSh áskeri-teńiz kúshteriniń 26 kemesinde teńizshilerden koronavirýs tabylǵan. Bul kemelerdiń barlyǵy qazir porttarda nemese jóndeýge jiberilgen.
AQSh-tyń qorǵanys ministrligi koronavirýs juqqan teńizshiler men kemeler sany týraly aitpady. CNN telearnasynyń habarlaýynsha, 3578 amerikalyq sarbazdan koronavirýs tabylǵan. Ekeýi qaitys bolǵan. "Teodor Rýzvelt" ushaq tasyǵyshynda 800 teńizshiden koronavirýs tabylǵan. Bir adam qaitys bolǵan.
