فوتو: wikimedia
اقش پرەزيدەنتٸ دجو بايدەن سەرسەنبٸدە يزرايلگە بارادى. بۇل تۋرالى اقش مەملەكەتتٸك حاتشىسى ەنتوني بلينكەن مەلٸم ەتتٸ, دەپ حابارلايدى Kazinform اگەنتتٸگٸ CNN-گە سٸلتەمە جاساپ.
اقش مەملەكەتتٸك حاتشىسىنىڭ يزرايلگە جاساعان سوڭعى ساپارى ونىڭ تاياۋ شىعىستاعى جەتٸ ەلگە جاساعان تۋرىنىڭ بٸر بٶلٸگٸ بولدى. ٶيتكەنٸ يزرايل گازا سەكتورىنا باسىپ كٸرۋگە دايىن كٶرٸنەدٸ جەنە قاقتىعىستىڭ ايماقتىڭ باسقا بٶلٸكتەرٸنە تاراۋ قاۋپٸ بار.
يزرايلگە ساپارى بارىسىندا بايدەن يزرايلدٸڭ گازا سەكتورىنداعى وپەراتسيياسى تۋرالى جوسپارىن بٸلەدٸ. وپەراتسييا بەيبٸت تۇرعىنداردىڭ شىعىنىن بارىنشا ازايتاتىنداي جەنە گازا سەكتورىنداعى بەيبٸت تۇرعىندارعا جەتكٸزٸلەتٸن گۋمانيتارلىق كٶمەك حاماس-قا پايدا ەكەلمەيتٸندەي بولۋى كەرەك.
اقش مەملەكەتتٸك حاتشىسىنىڭ ايتۋىنشا, بايدەننٸڭ ساپارى بولىپ جاتقان جاعدايدى پايدالانىپ, يزرايلگە شابۋىل جاساعىسى كەلەتٸن ەلدەرگە ەسكەرتۋ بولۋى كەرەك.
- اقش پرەزيدەنتٸ يزرايلدٸك سەرٸكتەستەرٸمەن حاماس تاراپىنان كەپٸلگە الىنعان ەرلەردٸ, ەيەلدەر مەن كٸشكەنتاي بالالاردى بوساتۋدى قامتاماسىز ەتۋ ەرەكەتٸن جالعاستىرادى, - دەدٸ بلينكەن.
سەرسەنبٸ كٷنٸ يزرايلگە ساپارىمەن قاتار بايدەن اقش-تىڭ جاقىن وداقتاسى يوردانيياعا دا بارادى. اق ٷي تاراتقان مەلٸمەتكە سەيكەس, ول تاياۋ شىعىس ەلدەرٸنٸڭ بٸر توپ باسشىلارىمەن, سونىڭ ٸشٸندە يوردانييا كورولٸ ابداللا II, مىسىر پرەزيدەنتٸ ابدەل فاتتاح اس-سيسي جەنە پالەستينا اۆتونوميياسىنىڭ باسشىسى ماحمۋد ابباسپەن كەزدەسەدٸ.
ۇلتتىق قاۋٸپسٸزدٸك كەڭەسٸنٸڭ ٶكٸلٸ دجون كيربي جۋرناليستەرگە بەرگەن سۇحباتىندا بايدەننٸڭ يوردانيياداعى باستى نازارى داعدارىس كەزٸندە گۋمانيتارلىق كٶمەك كٶرسەتۋ بولاتىنىن ايتتى.
12 قازاندا اقش مەملەكەتتٸك حاتشىسى انتوني بلينكەن يزرايلگە بارىپ, يزرايل پرەمەر-مينيسترٸ بينيامين نەتانياحۋمەن, ونىڭ قاۋٸپسٸزدٸك كابينەتٸمەن جەنە ەل پرەزيدەنتٸ يسااك گەرتسوگپەن كەزدەستٸ.
تٶرت كٷننەن كەيٸن بلينكەن التى اراب مەملەكەتٸندەگٸ كەلٸسسٶزدەردەن كەيٸن حاماس-قا قارسى كٷش-جٸگەردٸ ٷيلەستٸرۋ جەنە گازا سەكتورىنداعى گۋمانيتارلىق داعدارىستى شەشۋ جولدارىن ٸزدەۋ ٷشٸن يزرايلگە ورالدى.
