Foto: wikimedia
AQSh prezidenti Djo Baiden sársenbide Izrailge barady. Bul týraly AQSh memlekettik hatshysy Entoni Blinken málim etti, dep habarlaidy Kazinform agenttigi CNN-ge silteme jasap.
AQSh memlekettik hatshysynyń Izrailge jasaǵan sońǵy sapary onyń Taiaý Shyǵystaǵy jeti elge jasaǵan týrynyń bir bóligi boldy. Óitkeni Izrail Gaza sektoryna basyp kirýge daiyn kórinedi jáne qaqtyǵystyń aimaqtyń basqa bólikterine taraý qaýpi bar.
Izrailge sapary barysynda Baiden Izraildiń Gaza sektoryndaǵy operatsiiasy týraly josparyn biledi. Operatsiia beibit turǵyndardyń shyǵynyn barynsha azaitatyndai jáne Gaza sektoryndaǵy beibit turǵyndarǵa jetkiziletin gýmanitarlyq kómek HAMAS-qa paida ákelmeitindei bolýy kerek.
AQSh memlekettik hatshysynyń aitýynsha, Baidenniń sapary bolyp jatqan jaǵdaidy paidalanyp, Izrailge shabýyl jasaǵysy keletin elderge eskertý bolýy kerek.
- AQSh prezidenti izraildik seriktesterimen HAMAS tarapynan kepilge alynǵan erlerdi, áielder men kishkentai balalardy bosatýdy qamtamasyz etý áreketin jalǵastyrady, - dedi Blinken.
Sársenbi kúni Izrailge saparymen qatar Baiden AQSh-tyń jaqyn odaqtasy Iordaniiaǵa da barady. Aq úi taratqan málimetke sáikes, ol Taiaý Shyǵys elderiniń bir top basshylarymen, sonyń ishinde Iordaniia koroli Abdalla II, Mysyr prezidenti Abdel Fattah as-Sisi jáne Palestina avtonomiiasynyń basshysy Mahmýd Abbaspen kezdesedi.
Ulttyq qaýipsizdik keńesiniń ókili Djon Kirbi jýrnalisterge bergen suhbatynda Baidenniń Iordaniiadaǵy basty nazary daǵdarys kezinde gýmanitarlyq kómek kórsetý bolatynyn aitty.
12 qazanda AQSh Memlekettik hatshysy Antoni Blinken Izrailge baryp, Izrail premer-ministri Biniamin Netaniahýmen, onyń qaýipsizdik kabinetimen jáne el prezidenti Isaak Gertsogpen kezdesti.
Tórt kúnnen keiin Blinken alty arab memleketindegi kelissózderden keiin HAMAS-qa qarsy kúsh-jigerdi úilestirý jáne Gaza sektoryndaǵy gýmanitarlyq daǵdarysty sheshý joldaryn izdeý úshin Izrailge oraldy.
