اقش پرەزيدەنتٸنٸڭ ەكٸمشٸلٸگٸ سولتٷستٸك كورەيانىڭ قۇرلىقارالىق بالليستيكالىق زىمىران ۇشىرعانى تۋرالى مەلٸمدەمەسٸن راستادى. سولتٷستٸك كورەيا پرەزيدەنتٸ كيم چەن ىن سىناقتى "ترامپ ەكٸمشٸلٸگٸنە اقش-تىڭ تەۋەلسٸزدٸك كٷنٸنە جاسالعان سىيلىق" دەپ اتاعان. اق ٷي بارلىق كٷش-جٸگەردٸ ۇلعايىپ كەلە جاتقان قاۋٸپ-قاتەرگە قارسى ٸس-قيمىلدارعا جۇمسايتىنىن مەلٸمدەدٸ.
سولتٷستٸك كورەيا زىمىران ۇشىرعان سوڭ سەرسەنبٸدە اقش پەن وڭتٷستٸك كورەيا كورەي تٷبەگٸنٸڭ شىعىس جاعالاۋىندا بٸرٸككەن ەسكەري جاتتىعۋ ٶتكٸزٸپ, بالليستيكالىق زىمىراندار اتتى.
پحەنياننىڭ مەلٸمدەۋٸنشە, "حۆانسون 14" تيپتٸ زىمىران "اۋىر يادرولىق وقتۇمسىقتى" اقش-تىڭ قۇرلىقتاعى تەرريتوريياسىنا جەتكٸزە الادى. سەيسەنبٸدەگٸ ۇشىرىلىمدا زىمىراننىڭ العاشقى ەكٸ باسقىشى سىنالعان. سونىمەن قاتار زىمىراننىڭ باسقى بٶلٸگٸنٸڭ اتموسفەرانىڭ تىعىز قاباتىنا ەكٸنشٸ قايتا ەنگەندە جوعارى تەمپەراتۋراعا جەنە تەربەلۋگە تٶزٸمدٸ ەكەنٸ انىقتالعان.
بۇۇ قاۋٸپسٸزدٸك كەڭەسٸ سەرسەنبٸدە اقش-تىڭ سۇراۋى بويىنشا سولتٷستٸك كورەيانىڭ زىمىران سىناۋىنا بايلانىستى كورەي تٷبەگٸندە قالىپتاسقان جاعدايدى تالقىلاۋ ٷشٸن شۇعىل جيىن ٶتكٸزبەك. بۇۇ باس حاتشىسى انتونيو گۋتەرريش پحەنياننىڭ بۇۇ قاۋٸپسٸزدٸك كەڭەسٸنٸڭ قارارلارىن بۇزىپ, زىمىران جەنە يادرولىق قارۋ جاساۋ ەرەكەتتەرٸن قاتاڭ ايىپتادى. گۋتەرريش سونىمەن قاتار سولتٷستٸك كورەيا باسشىلىعىن ارانداتپاۋعا جەنە حالىقارالىق مٸندەتتەمەلەرٸن تولىق ورىنداۋعا شاقىردى.
