اقش پەن برازيلييادا كوروناۆيرۋس جۇققاندار سانى سەل ازايعانمەن ەلٸ كٷنٸنە ون مىڭداعان ناۋقاس انىقتالىپ جاتىر. ۆيرۋسپەن بايلانىستى ادام ٶلٸمٸ مىڭنان تٷسپەدٸ.
برازيلييا 19 تامىزدا بٸر كٷندە 47 مىڭنان استام ادامنان كوروناۆيرۋس انىقتالعانىن, 1200-دەن استام قايتىس بولعانىن حابارلادى. ال اقش-تا بٸر كٷندە 44 مىڭنان استام جاڭا ناۋقاس انىقتالدى, 1300-دەن استام ادام قايتىس بولدى. ەلدە Covid-كە شالدىققاندار 5,5 ملن ادامعا جەتتٸ, 173 مىڭ ادام ٶلٸمٸ تٸركەلدٸ. برازيلييادا كوروناۆيرۋس جۇققاندار 3,4 ملن-عا جەتتٸ, ادام ٶلٸمٸ 110 مىڭ بولدى.
ۆيرۋس جۇقتىرعاندار سانى جاعىنان ەلەمدە ٷشٸنشٸ ورىندا تۇرعان ٷندٸستاندا 2,7 ملن ادامنان كوروناۆيرۋس انىقتالعان, شامامەن 53 مىڭ ادام ٶلٸمٸ تٸركەلگەن.
ودان كەيٸنگٸ ورىندا تۇرعان رەسەيدە رەسمي مەلٸمەت بويىنشا, 935 مىڭ ادامنان كوروناۆيرۋس انىقتالعان, 16 مىڭ ادام ٶلٸمٸ تٸركەلگەن.
ورتالىق ازييادا كوروناۆيرۋس جۇقتىرعاندار سانى جاعىنان قازاقستان بٸرٸنشٸ ورىندا تۇر. سوڭعى ۋاقىتتا مۇندا ۆيرۋس جۇقتىرعاندار ازايعانمەن بەلگٸلەرٸ كوروناۆيرۋسقا ۇقسايتىن پنەۆمونيياعا شالدىققاندار قاتارى ازايماعان. دەنساۋلىق ساقتاۋ مينيسترلٸگٸ پنەۆمونييانىڭ ۋشىعۋىن كارانتين شارالارىنىڭ ەلسٸرەۋٸمەن بايلانىستىرماۋعا كەڭەس بەرگەن.
قىرعىزستاندا كوروناۆيرۋس جۇقتىرعاندار 42 325-كە جەتكەن, باسىم بٶلٸگٸ جازىلعان. ەپيدەمييا باستالعالى بەرٸ ەلدە 1 499 ادام قايتىس بولعان. شامامەن التى ميلليوننان استام حالقى بار ورتالىق ازييا مەملەكەتٸ شٸلدە ايىنىڭ ورتاسىنان باستاپ بەلگٸلەرٸ كوروناۆيرۋسقا ۇقسايتىن پنەۆمونييانى Covid-پەن بٸرٸكتٸرە باستاعان.
تەجٸكستاننىڭ رەسمي ورىندارىنىڭ بەرگەن مەلٸمەتٸ بويىنشا, ەلدە 8,1 مىڭ ادامنان كوروناۆيرۋس انىقتالعان, 65 ادام قايتىس بولعان. ناۋقاستاردىڭ باسىم بٶلٸگٸ جازىلعان. دەگەنمەن جەرگٸلٸكتٸ بەلسەندٸلەر مەن كەيبٸر ازاماتتار رەسمي دەرەككە كٷمەن كەلتٸرەدٸ. بۇعان دەيٸن بەلسەندٸلەردٸڭ "ٸندەت قۇرباندارىن" ٶز بەتٸمەن ەسەپتەي باستاعانى تۋرالى حابار تاراعان.
ال تٷركٸمەنستان كوروناۆيرۋس بارىن رەسمي تٷردە مويىنداعان جوق. الايدا باق شٸلدە ايىندا ەلدەگٸ اۋرۋحانالاردىڭ تولىپ كەتكەنٸن, پنەۆمونييا بەلگٸسٸ بار ناۋقاستار مەن ۆيرۋسپەن بايلانىستى ادام ٶلٸمٸ كٶبەيگەنٸن جازعان ەدٸ.
