اقش مەملەكەتتٸك حاتشىسى ەنتوني بلينكەن جەنە ناتو باس حاتشىسى يەنس ستولتەنبەرگ دٷيسەنبٸ كٷنٸ ۋكراينامەن شەكارا ماڭىندا رەسەي ەسكەرٸنٸڭ شوعىرلانۋى مەسەلەسٸن تالقىلادى.
اقش مەملەكەتتٸك دەپارتامەنتٸنٸڭ باسپاسٶز حاتشىسى نەد پرايستىڭ حابارلاۋىنشا, بلينكەن مەن ستولتەنبەرگ رەسەيدٸڭ ۋكراينامەن شەكارا ماڭىندا جەنە اننەكسييالانعان قىرىمدا ەسكەري دايىندىققا سۋىت كٶشۋٸن توقتاتۋ قاجەتتٸگٸن اتاپ ٶتكەن.
بۇعان قوسا, بلينكەن مەن ستولتەنبەرگ اۋعانستاندا بەيبٸت پروتسەستٸ دامىتۋ مەن ناتو-نىڭ الداعى سامميتٸمەن بايلانىستى مەسەلەلەردٸ تالقىلاعان. "امەريكا داۋىسى" سايتى كەزدەسۋدٸڭ اقش مەملەكەتتٸك حاتشىسىنىڭ بريۋسسەلگە ساپارى قارساڭىندا بولىپ وتىرعانىنا نازار اۋدارادى.
دٷيسەنبٸ كٷنٸ "ٷلكەن جەتٸلٸك" (G7) ەلدەرٸنٸڭ سىرتقى ٸستەر مينيسترلەرٸ مەن ەۋرووداقتىڭ سىرتقى ساياسات جٶنٸندەگٸ ۆەدومستۆوسى رەسەيدٸ ۋكراينا شەكاراسىنا جاقىن ماڭداعى "ارانداتۋ ەرەكەتٸن" توقتاتۋعا شاقىردى.
- ۋكراينا پرەزيدەنتٸ ۆلاديمير زەلەنسكييدٸڭ باسپاسٶز حاتشىسى يۋلييا مەندەل دٷيسەنبٸ كٷنٸ رەسەيدٸڭ ۋكراينامەن شەكارا ماڭىنا 80 مىڭ سارباز ەكەلگەنٸن, 40 مىڭىن قىرىمعا شوعىرلاندىرعانىن حابارلادى.
- مەندەلدٸڭ ايتۋىنشا, زەلەنسكيي رەسەي پرەزيدەنتٸ ۆلاديمير پۋتينگە كەلٸسسٶز ٶتكٸزۋ جايلى ۇسىنىس جٸبەرگەنمەن ەزٸرگە دەيٸن جاۋاپ الماعان. كرەمل مۇنى جوققا شىعارادى.
- رەسەي تارابى ەسكەردٸ باسقا اۋماققا كٶشٸرگەنٸن جوققا شىعارمايدى, بٸراق ونىڭ ەشقانداي قاۋپٸ جوعىن العا تارتادى. بٸراق مەسكەۋ ۋكراينا دونباستا سەپاراتيستەرگە شابۋىلداي باستاسا, رەسەي جاعدايعا ارالاسۋى مٷمكٸن ەكەنٸن ەسكەرتكەن.
