اقش "جاقىن كٷندەرٸ" بەلارۋس پرەزيدەنتٸ الەكساندر لۋكاشەنكونىڭ ماڭايىنداعى ادامدارعا سانكتسييا ەنگٸزەدٸ جەنە بۇدان باسقا دا سانكتسييا شارالارىن قابىلداۋى مٷمكٸن. بۇل تۋرالى 11 قىركٷيەكتە اقش مەملەكەتتٸك حاتشىسىنىڭ ورىنباسارى ستيۆەن بيگان مەلٸمدەدٸ. ول اقش-تىڭ لۋكاشەنكونى بەلارۋستٸڭ "زاڭدى سايلانعان پرەزيدەنتٸ ەمەس" دەپ سانايتىنىن راستادى. ۆاشينگتون بەلارۋستە 9 تامىزدا ٶتكەن پرەزيدەنت سايلاۋى ەركٸن, ەدٸل بولعان جوق دەيدٸ. بۇعان قوسا اقش بەلارۋس بيلٸگٸنٸڭ نارازىلىق شەرۋٸنە شىققان بەيبٸت ازاماتتار مەن وپپوزيتسييا ٶكٸلدەرٸنە كٷش قولدانۋىن قاتاڭ ايىپتايدى.
بيگان بەلارۋسكە ناقتى قانداي سانكتسييا سالىناتىنىن اشىپ ايتپادى, بٸراق اقش ول تۋرالى ەۋروپا وداعىنداعى ەرٸپتەستەرٸمەن كەڭەسٸپ جاتقانىن جەتكٸزدٸ. بۇعان دەيٸن بەلارۋسكە قارسى ەۋروپا وداعى دايىنداعان سانكتسييا كيپردٸڭ ۇستانىمىنا بولا كٷشٸنە ەنگەن جوق. كيپر جەرورتا تەڭٸزٸندەگٸ قايراڭنىڭ داۋلى اۋماعىندا بۇرعىلاۋ جۇمىستارىن جٷرگٸزٸپ جاتقان جەتٸ تٷرٸك كومپانيياسىنا شەكتەۋ قويمايىنشا, ەۋرووداقتىڭ مينسكٸگە سانكتسييا سالۋ تۋرالى ورتاق شەشٸمٸن قولداۋدان باس تارتقان.
اقش بۇعان دەيٸن لۋكاشەنكو مەن بەلارۋستٸڭ ٶزگە دە جوعارى لاۋازىمدى شەنەۋنٸكتەرٸ – جيىنتىعى 17 ادامعا سانكتسييا سالعان. ەۋروپا وداعىنىڭ سانكتسييا تٸزٸمٸندە لۋكاشەنكو جوق.
بيگان اقش-تىڭ بەلارۋستە ەدٸل, تازا پرەزيدەنت سايلاۋى قايتا ٶتۋٸ تيٸس دەپ سانايتىنىن تاعى دا قايتالادى. بۇعان قوسا ول رەسەيدٸڭ لۋكاشەنكو رەجيمٸنە قولداۋ تانىتۋىن تٷسٸنۋ قيىن ەكەنٸن ايتتى.
"ەگەر كرەمل مۇنداي ساياساتىن جالعاستىرا بەرەتٸن بولسا, وندا مەسكەۋ رەسەيگە ەش ٶكپەسٸ جوق بەلارۋس حالقىنىڭ قارسىلىعىنا تاپ بولۋى مٷمكٸن", – دەدٸ بيگان.
اقش مەملەكەتتٸك حاتشىسىنىڭ ورىنباسارى رەسەي پرەزيدەنتٸ ۆلاديمير پۋتيندٸ 14 قىركٷيەكتە مەسكەۋدە لۋكاشەنكومەن كەزدەسكەن كەزدە ساياسي تۇتقىنداردى بوساتۋ, بەلارۋستەگٸ نارازىلىق شەرۋٸنە قاتىسۋشىلارعا كٷش قولدانۋدى دوعارۋ مەسەلەلەرٸن قوزعاۋعا ٷندەدٸ.
لۋكاشەنكونى التىنشى مەرتە ەل پرەزيدەنتٸ بولىپ سايلاندى دەگەن سايلاۋدىڭ رەسمي قورىتىندىسىمەن كەلٸسپەگەن حالىق نارازىلىعى 9 تامىزدان بەرٸ جالعاسىپ جاتقان بەلارۋستەگٸ احۋال "ۆىشەگراد تٶرتتٸگٸ" ەلدەرٸ باسشىلارىنىڭ ليۋبليندە ٶتكەن كەزدەسۋٸندە دە تالقىلانعان. بۇل تٶرتتٸككە پولشا, چەحييا, سلوۆاكييا مەن ۆەنگرييا كٸرەدٸ. تٶرت ەلدٸڭ باسشىلارى ەۋروپا وداعى سامميتٸنە, پولشا پرەمەر-مينيسترٸ ماتەۋش موراۆەتسكيي ايتقانداي, "بەلارۋس حالقىن قولداۋ" شارالارىن ۇسىنۋ تۋرالى ۇيعارىمعا كەلگەن. وسى شارالاردىڭ اراسىندا بەلارۋس ازاماتتارىنا ەۋرووداق اۋماعىنا ۆيزاسىز كەلۋگە رۇقسات بەرۋ جايلى ۇسىنىس تا بار.
چەحييا پرەمەر-مينيسترٸ اندرەي بابيش بەلارۋستە جاڭا پرەزيدەنت سايلاۋى ٶتۋٸ كەرەك دەپ مەلٸمدەگەن. سونىمەن بٸرگە ول "تٶرتتٸك" سامميتٸ اياسىندا بەلارۋس پرەزيدەنتتٸگٸنە بۇرىنعى كانديدات سۆەتلانا تيحانوۆسكايامەن كەزدەسۋ تۋرالى پولشانىڭ ۇسىنىسىنان باس تارتقان دەپ جازادى پولياك پەن چەح باسىلىمدارى. جاقتاستارى 9 تامىزدا ٶتكەن سايلاۋدا تيحانوۆسكايا كٶپ داۋىس الدى دەپ سانايدى. بابيش "اسىعىس قادامعا" بارعىسى كەلمەيتٸنٸن ايتقان. , پولشا پرەمەر-مينيسترٸ موراۆەتسكيي 9 قىركٷيەكتە ۆارشاۆادا تيحانوۆسكايامەن كەزدەسكەن, ال ليتۆا پارلامەنتٸ (سەيم) تيحانوۆسكايانى "بەلارۋس حالقىنىڭ سايلانعان جەتەكشٸسٸ" دەپ اتاعان.
