مەملەكەت باسشىسىنىڭ قاتىسۋىمەن ٶتەتٸن سىرتقى ساياسي وقيعالارعا قاتىستى كٶپتەگەن ساۋالداردىڭ كەلٸپ تٷسۋٸنە بايلانىستى پرەزيدەنتتٸڭ باسپاسٶز حاتشىسى ايدوس ٷكٸباي نۇرسۇلتان نازارباەۆتىڭ الداعى جۇمىس كەستەسٸ تۋرالى ايتتى. بۇل تۋرالى اقوردانىڭ فەيسبۋكتەگٸ رەسمي پاراقشاسىندا حابارلاندى.
مەلٸمەتكە ساي, مەملەكەت باسشىسى بيىلعى 13 ناۋرىزدا كورەيا رەسپۋبليكاسى ۇلتتىق اسسامبلەياسىنىڭ سپيكەرٸ چون سە گيۋنمەن كەزدەسەدٸ.
ال, 14 ناۋرىزدا نۇرسۇلتان نازارباەۆتىڭ شاقىرۋىمەن تەجٸكستان رەسپۋبليكاسىنىڭ پرەزيدەنتٸ ەمومالي راحمون قازاقستانعا رەسمي ساپارمەن كەلەدٸ. ساپار اياسىندا مەملەكەتتەر باسشىلارى كٷن تەرتٸبٸندەگٸ ەكٸجاقتى, ٶڭٸرلٸك جەنە حالىقارالىق ٶزەكتٸ مەسەلەلەردٸ تالقىلايدى.
15 ناۋرىزدا قازاقستان پرەزيدەنتٸ ورتالىق ازييا ەلدەرٸ, سونىڭ ٸشٸندە قازاقستان رەسپۋبليكاسى, قىرعىز رەسپۋبليكاسى, تەجٸكستان رەسپۋبليكاسى, تٷرٸكمەنستان جەنە ٶزبەكستان رەسپۋبليكاسى باسشىلارىنىڭ جۇمىس (كونسۋلتاتيۆتٸك) كەزدەسۋٸنە قاتىسادى. بۇل بەس جاقتى كەلٸسسٶزدەردٸڭ ورتالىق ازييانىڭ بارلىق ەلٸ ٷشٸن ورتاق مەرەكە - ناۋرىز مەيرامى قارساڭىندا ٶتۋٸنٸڭ ماڭىزى زور.
تٷرٸكمەنستاندا جوعارى دەڭگەيدەگٸ ٸس-شارالاردىڭ الدىن الا جوسپارلانۋىنا بايلانىستى بۇل ەلدەن مەدجليس تٶرايىمى ا.ت.نۋربەردىەۆا حانىم قاتىسادى.
سول كٷنٸ ن.نازارباەۆ پەن ش.ميرزييوەۆتٸڭ قاتىسۋىمەن قازاقستانداعى ٶزبەكستان جىلىنىڭ سالتاناتتى اشىلۋ رەسٸمٸ ٶتەدٸ. سونداي-اق, ەكٸ ەل كٶشباسشىلارى ٶنەر قايراتكەرلەرٸنٸڭ گالا-كونتسەرتٸنە قاتىسادى.
سونداي-اق, 16 ناۋرىزدا مەملەكەت باسشىسى سيرييا جٶنٸندەگٸ استانا پروتسەسٸنە كەپٸل بولاتىن مينيسترلٸك دەڭگەيٸندەگٸ بٸرٸنشٸ كەزدەسۋگە قاتىسۋشىلار - رەسەي, تٷركييا جەنە يران سىرتقى ٸستەر مينيسترلەرٸمەن جٷزدەسەدٸ.
