بٷگٸن «استانا ەكسپو-2017» ۇلتتىق كومپانيياسى» اق تٶراعاسى قىرعىزستان پرەزيدەنتٸنٸڭ جۋىردا جاساعان مەلٸمدەمەسٸنە قاتىستى «ۆرەميا» گازەتٸنٸڭ تٸلشٸسٸنە ٶز پٸكٸرٸن بٸلدٸردٸ.
ەسكە سالا كەتەيٸك, الماسبەك اتامباەۆ جۋرناليستەرگە بەرگەن سۇحباتىندا? «ەگەر دە وسىنشا اقشا جۇمساسام, مەنٸ تٸرٸدەي ٶرتەپ جٸبەرۋٸ مٷمكٸن. ال قازاقستاندا حالىق بيلٸكتٸ قولدايدى. شىنىمدى ايتسام, قىزعانىپ تۇرمىن!» دەگەن بولاتىن.
بۇل مەلٸمدەمەگە قاتىستى ا.ەسٸموۆ: «قىرعىزدار ٶز پرەزيدەنتٸنە نە ٸستەيتٸنٸن بٸلمەيمٸن. بٸراق ەلباسىنىڭ كەز-كەلگەن باستاماسىن حالىق قولدايدى. وعان مەن اينالىسىپ جاتقان جوبا دا كٸرەدٸ. EXPO نىساندارىنىڭ قۇرىلىسىنا 3 ملرد دوللار ەمەس (بۇل سومانى ا.اتامباەۆتىڭ ايتقان بولاتىن), 1,3 ملرد دوللار جۇمسالدى. ٶزدەرٸڭٸز كٶرگەندەي, بۇل نىساندار ٶتە ساپالى سالىنعان. وتانداستارىمىز ەلٸ ۇزاق ۋاقىت پايدالانادى. قالانىڭ كٶرٸكتٸ جەرٸنە اينالادى. ونىڭ ٷستٸنە كەتكەن شىعىندى قايتارۋعا بولادى. قازٸردٸڭ ٶزٸندە دەمەۋشٸ, بيلەت ساتىلىمى, نىسانداردىڭ جالعا بەرٸلۋٸ, جارناما, كٶلٸك تۇراعىنان تٷسكەن اقشا 70 ميلليارد تەڭگەنٸ (220 ملن دوللار) قۇرايدى. سول سەبەپتٸ اتامباەۆ مىرزانىڭ بٸزدٸڭ كٶرمەگە قاتىستى دەرەگٸ ناقتى ەمەس», - دەدٸ.
