Búgin «Astana EKSPO-2017» Ulttyq kompaniiasy» AQ tóraǵasy Qyrǵyzstan prezidentiniń jýyrda jasaǵan málimdemesine qatysty «Vremia» gazetiniń tilshisine óz pikirin bildirdi.
Eske sala keteiik, Almasbek Atambaev jýrnalisterge bergen suhbatynda? «Eger de osynsha aqsha jumsasam, meni tiridei órtep jiberýi múmkin. Al Qazaqstanda halyq bilikti qoldaidy. Shynymdy aitsam, qyzǵanyp turmyn!» degen bolatyn.
Bul málimdemege qatysty A.Esimov: «Qyrǵyzdar óz prezidentine ne isteitinin bilmeimin. Biraq Elbasynyń kez-kelgen bastamasyn halyq qoldaidy. Oǵan men ainalysyp jatqan joba da kiredi. EXPO nysandarynyń qurylysyna 3 mlrd dollar emes (Bul somany A.Atambaevtyń aitqan bolatyn), 1,3 mlrd dollar jumsaldy. Ózderińiz kórgendei, bul nysandar óte sapaly salynǵan. Otandastarymyz áli uzaq ýaqyt paidalanady. Qalanyń kórikti jerine ainalady. Onyń ústine ketken shyǵyndy qaitarýǵa bolady. Qazirdiń ózinde demeýshi, bilet satylymy, nysandardyń jalǵa berilýi, jarnama, kólik turaǵynan túsken aqsha 70 milliard teńgeni (220 mln dollar) quraidy. Sol sebepti Atambaev myrzanyń bizdiń kórmege qatysty deregi naqty emes», - dedi.
