سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى ولجاس بەكتەنوۆ كەشە قايرات ساتىبالدىنىڭ ۇستالۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«قىلمىستىق ٸس «قازاقتەلەكوم» اق-نىڭ قاراجاتىن جىمقىرۋ فاكتٸسٸ بويىنشا تەرگەلٸپ جاتىر. كەشە وسى بويىنشا تيٸستٸ اقپارات تاراتىلدى. قازٸرگٸ كەزدە قاراجات سوماسى انىقتالىپ جاتىر, ول بويىنشا بٸرنەشە ەپيزود قامتىلعان. وسى ورايدا ساراپتاما جٷرگٸزٸلگەننەن كەيٸن, بٸز بۇل سومانى جارييا ەتەمٸز. دەگەنمەن وسى ٸسكە قاتىستى ميللياردتاعان قاراجات بار دەپ ايتا الامىن», - دەدٸ بەكتەنوۆ مەجٸلٸستٸڭ جالپى وتىرىسىنان كەيٸن تٸلشٸلەردٸڭ ساۋالىنا جاۋاپ بەرە وتىرىپ.
سونىمەن قاتار ول ساتىبالدى ەۋەجاي اۋماعىندا ۇستالعانىن ايتتى.
«ول الماتى ەۋەجايىنىڭ اۋماعىندا ۇستالدى. ۇستالعاننان كەيٸن ۋاقىتشا ۇستاۋ يزولياتورىنا قامالدى. تەرگەۋ امالدارى بارىسىندا قارايمىز, بۇلتارتپاۋ شاراسىن سوت ايقىندايدى», - دەدٸ اگەنتتٸك باسشىسى.
ەسكە سالايىق, بۇعان دەيٸن قىلمىس جاسادى دەگەن كٷدٸكپەن قايرات ساتىبالدىۇلى ۇستالىپ, ۋاقىتشا ۇستاۋ يزولياتورىنا قامالعانى حابارلانعان بولاتىن.
