قازاق تٸلٸن ٷيرەنۋگە كەلگەندە «كٸنەلٸ ەمەسپٸز» دەۋمەن 30 جىل ٶتٸپ بارادى. بۇل تۋرالى «تٸل تۇتاستىعى - ەل تۇتاستىعى» اتتى ونلاين-كونفەرەنتسيياسىندا قر مەدەنيەت جەنە سپورت مينيسترلٸگٸ تٸل ساياساتى كوميتەتٸنٸڭ تٶراعاسى Əدٸلبەك قابا ايتتى, دەپ حابارلايدى قازاقپارات.
«قازٸرگٸ ۋاقىتتا تٸل ٷشٸن ەڭ بٸر قاۋٸپتٸ كەزەڭ باستالدى دەپ ايتۋعا بولادى. نەگە? بۇرىن الدىڭعى ۇرپاق: «وداق قۇرامىندا بولدىق, ول كەزدە تٸلدٸك ورتا بولعان جوق. تٸلدٸ ٷيرەنبەدٸك, كٸنەمٸز جوق» دەيتٸن. بٷگٸن ەلٸ دە سول « كٸنەلٸ ەمەسپٸز « دەۋمەن, مٸنە 30 جىل ٶتٸپ بارادى. بىلاي الىپ قاراساق, 30 جىلدىڭ 11 جىلىندا بالا مەكتەپكە بارىپ, بٷكٸل مەكتەپتٸڭ پەنٸن ٷيرەنٸپ شىعادى. 5 جىلدا ستۋدەنت اتانىپ, ماماندىقتىڭ قىر-سىرىن مەڭگەرەدٸ. ال 30 جىلدا 30 اۋىز سٶز ٷيرەنبەۋ مەنٸڭشە, جاقسى ەمەس. سوندىقتان دا بۇل بٸر جاعىنان مەملەكەتتٸك تٸلگە قاجەتتٸلٸكتتٸڭ جوقتىعىنان دەپ تە ويلايمىن», - دەدٸ كوميتەت تٶراعاسى.
وسى رەتتە ول تٸل ٷشٸن ەڭ بٸر قاۋٸپتٸ كەزەڭ باستالدى دەۋٸنٸڭ سىرىن دا تٷسٸندٸرٸپ بەردٸ.
«قاۋٸپتٸ كەزەڭ» دەپ وتىرعانىمىز نە? ول بٷگٸنگٸ كٷنگٸ قوعامدىق كٶلٸكتە, دٷكەندە, باسقا ورىنداردا - قىزمەت كٶرسەتۋ نەمەسە قىزمەت جاساۋدىڭ بارلىعىندا بٸز ٶزگە تٸلگە جٷگٸنٸپ جٷرمٸز. ول مەملەكەتتٸڭ, ٷكٸمەتتٸڭ نەمەسە بيلٸكتٸڭ كٸنەسٸ ەمەس قوي. بۇعان قوسا, اتا-اناسى قازاقشا سٶيلەيتٸن وتباسىلاردىڭ ٶزٸندە كٸشكەنتاي بالالارىنىڭ تٸلٸ ورىسشا شىعىپ جاتىر. نەگە? ٶيتكەنٸ, ولاردىڭ كٸشكەنتايىنان, كٶزٸن اشقانىنان كٶرەتٸنٸ ورىسشا مۋلتفيلمدەر. بالالارىمىزدىڭ مەملەكەتتٸك تٸلدٸ بٸلۋٸ اقساپ جاتىر», - دەدٸ ول.
سونىمەن قاتار كوميتەت تٶراعاسى بۇل رەتتە, مەملەكەت ەرەكەتسٸز وتىر, ەشتەڭە جاسايمايدى دەۋگە بولمايتىندىعىن باسا ايتتى.
«30 جىلدىڭ ٸشٸندە ايماقتارداعى تٸل وقىتۋ ورتالىقتارىندا قانشاما ادام تٸل ٷيرەنٸپ شىقتى. زامانعا لايىق ەرەكەت ەتۋ ٷشٸن تٸل ەلەمٸ, تەرمينكوم.كز, ەملە, اتاۋ.كز, تٸل قۇرالى, سٶزدٸك قور سيياقتى 15-تەن استام پلاتفورمالار بار. سولار ارقىلى دا تٸلٸمٸزدٸ ٸلگەرٸلەتۋگە مٷمكٸندٸك جاسالعان. 2011-2019 جىلدارى ەلٸمٸزدەگٸ 99 وقىتۋ ورتالىعىندا 514 مىڭنان استام ادامعا قازاق تٸلٸ وقىتىلعان. بٸراق ولاردىڭ بارلىعى ٷيرەنگەن تٸلٸن پايدالانىپ جاتىر ما? قاجەتتٸلٸك بار ما? مەسەلە وسىندا. وسى قاجەتتٸلٸكتٸ تۋعىزۋ ٷشٸن نە ٸستەيمٸز? مٸنە وسى مەسەلەلەردٸ تالقىلاۋ ٷشٸن بٷگٸن باس قوسىپ وتىرمىز», - دەدٸ ەدٸلبەك قابا.
