فوتو: abai.kz
حالىقارالىق «ەدٸل سٶز» سٶز بوستاندىعىن قورعاۋ قورى قازتاگ باس ديرەكتورى ەسەت ماتاەۆ پەن اگەنتتٸكتٸڭ باس رەداكتورى ەمٸر قاسەنوۆكە قاتىستى قوزعالعان قىلمىستىق ٸسكە پٸكٸر بٸلدٸردٸ, دەپ حابارلايدى اگەنتتٸككە سٸلتەمە جاساپ Ult.kz.
«حالىقارالىق «ەدٸل سٶز» سٶز بوستاندىعىن قورعاۋ قورى حاا „قازتاگ“ باس ديرەكتورى ەسەت ماتاەۆ پەن اگەنتتٸكتٸڭ باس رەداكتورى امير قاسەنوۆكە قاتىستى قوزعالعان قىلمىستىق ٸس جەنە تەرگەۋ ەرەكەتتەرٸن جٷرگٸزۋ كەزٸندە جٸبەرٸلگەن زاڭبۇزۋشىلىقتارعا بايلانىستى قاتتى الاڭداۋشىلىق بٸلدٸرەدٸ. بٷگٸن شامامەن 11:00-دەن 16:00-گە دەيٸن استانا قالالىق پوليتسييا دەپارتامەنتٸندە حاا „قازتاگ“ باس ديرەكتورى ەسەت ماتاەۆتان جاۋاپ الۋ جالعاستى. وسىدان كەيٸن بٸردەن تەرگەۋ توبى اگەنتتٸكتٸڭ باس رەداكتورى ەمٸر قاسەنوۆتەن جاۋاپ الۋعا كٸرٸستٸ», — دەپ مەلٸمدەدٸ قور.
«ەدٸل سٶز» حاا قازتاگ قازاقستانداعى ەڭ تەجٸريبەلٸ ەرٸ ىقپالدى اقپارات اگەنتتٸكتەرٸنٸڭ بٸرٸ ەكەنٸن اتاپ ٶتەدٸ. قوردىڭ ايتۋىنشا, بۇل جاي عانا بۇقارالىق اقپارات قۇرالى ەمەس, ەلدٸڭ قازٸرگٸ تاريحىنىڭ ماڭىزدى بٶلٸگٸ.
«اقپاراتتىق كەڭٸستٸكتٸڭ ەلەۋلٸ بٶلٸگٸ جاھاندىق پلاتفورمالاردىڭ الگوريتمدەرٸنە تەۋەلدٸ بولىپ جاتقان قازٸرگٸ جاعدايدا ۇلتتىق تەۋەلسٸز مەديانى ساقتاۋ — قوعام ٷشٸن دە, مەملەكەتتٸڭ اقپاراتتىق قاۋٸپسٸزدٸگٸ ٷشٸن دە اسا ماڭىزدى مەسەلە», — دەلٸنگەن حابارلامادا.
«ەدٸل سٶز» قورى قۇقىق قورعاۋ ورگاندارىن قىلمىستىق-پروتسەستٸك زاڭ نورمالارىن قاتاڭ ساقتاۋعا, تەرگەۋ ەرەكەتتەرٸنٸڭ اشىقتىعىن قامتاماسىز ەتۋگە جەنە جۋرناليستەردٸڭ كەسٸبي قۇقىعىن قورعاۋعا شاقىردى. ۇيىم ٶكٸلدەرٸ جاعدايدىڭ دامۋ بارىسىن مۇقييات باقىلاۋدا ۇستايتىندارىن ايتتى.
ەسكە سالايىق, قازتاگ باسشىلىعىنا قاتىستى قىلمىستىق ٸستٸڭ نەگٸزٸنە Freedom Finance-تاعى الاياقتىقتان زارداپ شەككەندەر مەن ولاردىڭ ادۆوكاتىنىڭ كٶرسەتۋلەرٸ الىنعان. 2025 جىلعى 3 سەۋٸردە ولار رەداكتسيياعا قوڭىراۋ شالىپ, قازتاگ جارييالاعان اقپارات Freedom Finance-تٸڭ مٷددەسٸنە ساي بەرٸلگەن دەپ شاعىمدانعان. ولار بۇقارالىق اقپارات قۇرالدارىنا جەتە الماي جٷرگەندەرٸن, قۇقىق قورعاۋ ورگاندارىندا جەنە پرەزيدەنت ەكٸمشٸلٸگٸندە ەدٸلدٸككە قول جەتكٸزە الماي وتىرعاندارىن ايتقان.
وسى جاعدايعا بايلانىستى جۋرناليستەردٸ قورعاۋ كوميتەتٸ (CPJ) دە قازتاگ باسشىلىعىنا قارسى قوزعالعان قىلمىستىق ٸسكە الاڭداۋشىلىق بٸلدٸردٸ.
ادۆوكات رەنا كەريموۆا مەلٸمدەگەندەي, جەبٸرلەنۋشٸلەردٸڭ ادۆوكاتى YouTube-تە جارييالانعان ۆيدەودا تەك سۆەتوۆوي مەن باسقا تۇلعالارعا قاتىستى قىلمىستىق ٸسكە بايلانىستى دەرەكتەردٸ عانا ايتقان, ەدەيٸ جالعان اقپارات تاراتپاعان. كەيٸن اگەنتتٸكتٸڭ باس رەداكتورى ەمٸر قاسەنوۆ:
«ستالين دەۋٸرٸندە دە, بٷگٸنگٸ كٷنٸ دە ادال جۋرناليستەردٸ ٷنسٸز قالدىرۋدىڭ جالعىز تەسٸلٸ — قىلمىستىق قۋدالاۋ بولىپ وتىر», — دەپ اتاپ ٶتتٸ.
