قر پرەزيدەنتٸ نۇرسۇلتان نازارباەۆ رەسپۋبليكالىق جولدارعا بٶلٸنەتٸن قاراجاتتى قايتا قاراستىرىپ, وبلىستار ٸشٸندەگٸ جولداردىڭ قۇرىلىسىنا بٶلۋدٸ تاپسىردى, دەپ حابارلايدى قازاقپارات اگەنتتٸگٸ.
«مىسالى, قازٸر شىداي تۇراتىن جوبالار بولسا, وندا ول قاراجاتتى وبلىستىڭ ٸشٸندەگٸ جولدارعا سالۋ كەرەك. ادام ٶزٸنٸڭ ٷيٸنە دەيٸن جول كٶرمەسە, سەنٸڭ سالىپ جاتقان رەسپۋبليكالىق جولىڭ نەمەنەگە كەرەك? ەركٸم اياعىنداعى بەتەڭكەسٸ قىساتىن بولسا, الدىمەن سونى ويلايدى. سوندا عانا حالىق كٶرەدٸ. «مٸنە, جول سالىنىپ جاتىر» دەپ ايتادى. بۇل جەكە باعدارلاما («نۇرلى جول» - اۆت.), سونى قايتادان قاراۋ قاجەت. قاراجاتتى قالاي سالۋىمىز كەرەك? وسىنى پىسىقتاۋىمىز قاجەت», - دەدٸ ن.نازارباەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنتتٸڭ ايتۋىنشا, جولداردىڭ قۇرىلىسىنا ارنالعان قاراجاتتى قايتا قاراستىرعان كەزدە بيۋدجەت قارجىسىن تيٸمدٸ يگەرۋگە باسا نازار اۋدارعان جٶن. «ەندٸ, ەكٸ اۋداننىڭ اراسىنداعى جولدى بەتونمەن التى جولاق ەتٸپ جاساۋدىڭ قاجەتٸ جوق. ەكٸ جولاق, جٷرٸپ تۇرۋعا ىڭعايلى بولاتىنداي. سوسىن وبلىستىق بيۋدجەتتەردٸڭ مٷمكٸندٸكتەرٸن پايدالانعان جٶن», - دەپ اتاپ كٶرسەتتٸ نازارباەۆ.
قر ينۆەستيتسييالار جەنە دامۋ مينيسترٸ جەڭٸس قاسىمبەكتٸڭ سٶزٸنە قاراعاندا, الداعى ۋاقىتتا جەرگٸلٸكتٸ جەردەگٸ جولداردىڭ قۇرىلىسىنا بٶلٸنەتٸن قارجىنىڭ كٶلەمٸ ارتادى. «بٸز ەكٸمدٸكتەرمەن كەلٸستٸك, قوسىمشا 60 ملرد تەڭگە بٶلٸنەدٸ. 30 ملرد تەڭگەنٸ - ٷكٸمەت, قالعان جارتىسىن - ەكٸمدٸكتەر. الداعى ۋاقىتتا جىل سايىن 150 ملرد تەڭگەنٸ بٶلٸنەدٸ دەگەن جوسپار بار. ونى دا ەكٸ جاق بٶلٸپ كٶتەرەدٸ. بيىل بٸز جەرگٸلٸكتٸ جەردە 4 000 شاقىرىم جولدى جٶندەپ شىعۋدى جوسپارلاپ وتىرمىز», - دەيدٸ ج.قاسىمبەك.
ايتا كەتەيٸك, وتىرىستا مەملەكەت باسشىسى نۇرسۇلتان نازارباەۆ «قازاۆتوجول» ۇلتتىق كومپانيياسىنىڭ جۇمىسىن سىنعا الدى.
