بٷگٸن ەلوردادا ٶتكەن بريفينگٸدە «ADAL» پارتيياسى ۇيىمنىڭ قۇرىلىمى مەن جۇمىس جوسپارىن جارييالادى, دەپ حابارلايدى قازاقپارات.
«سايلاۋ ناۋقانى بٸزدٸڭ پارتيياعا وڭاي بولمادى. دەگەنمەن دە جاس پارتييا رەتٸندە ەلدٸ ارالاپ, حالىقتىڭ باتاسىن الىپ, بولاشاقتا اتقاراتىن ٸستەرٸمٸزدٸ ايقىندادىق. پارتيياعا مٷشەلٸككە تٸركەلگەندەر 300 مىڭنان اسىپ كەتتٸ, ەلٸ دە كەلٸپ جاتىر. بٸزدٸڭ نەگٸزگٸ ماقساتىمىز –پارتييا رەتٸندە بٷگٸننەن باستاپ ناقتى جۇمىسقا كٸرٸسۋ. ناۋقان ٶتتٸ, سايلاۋ نەتيجەسٸن ورتالىق سايلاۋ كوميسسيياسى رەسمي جارييالاي جاتار. ەل ٶڭٸرلەرٸن ارالاعان كەزدە حالقىمىزعا بەرگەن بٸراز ۋەدەمٸز بار. بۇل تۇرعىدا پارتييانىڭ قۇرىلىمىنداعى مامانداردىڭ تەجٸريبەسٸن ەسكەرٸپ, ناقتى جۇمىستى باستاۋعا كٸرٸسەمٸز», - دەدٸ «ADAL» پارتيياسىنىڭ تٶراعاسى سەرٸك سۇلتانعالي.
ونىڭ ايتۋىنشا, قازٸردەن باستاپ پارتييا قۇرىلىمى اۋقىمدى جۇمىس باستاۋدى جوسپارلاپ وتىر.
«تاريحي باستاما اياسىندا پارتييانىڭ بولاشاعى بار ەكەنٸن كٶرٸپ وتىرمىز جەنە وعان كٷمەن جوق. جاس پارتييا ەكەنٸمٸزدٸ مويىندايمىز, سوندىقتان ٶزٸمٸزدٸڭ نەتيجەلٸ جۇمىسىمىزدى كٶرسەتۋگە تيٸسپٸز. ەر سالادا بٸزدٸڭ ماماندار بار. بٸز ەۆوليۋتسيياعا ەكپٸن قويعان پارتييامىز», - دەدٸ س. سۇلتانعالي.
ونىڭ سٶزٸنە قاراعاندا, پارتييانىڭ تۇعىرناماسىنىڭ ارقاسىندا ەربٸر اۋىلدىڭ, اۋداننىڭ, وبلىستىڭ, قالانىڭ پروبلەماسى انىقتالدى. وسى ورايدا پارتييا ٶكٸلدەرٸ مەسەلەلەردٸ شەشۋ ٷشٸن ٶز كٶمەگٸن ۇسىناتىن بولادى.
تاراتىلعان مەلٸمەت بويىنشا 11 جەلتوقساننان 8 قاڭتارعا دەيٸن پارتييا ٶكٸلدەرٸ 5161 كەزدەسۋ ٶتكٸزٸپ, وعان 152 822 ادام قاتىسقانى بەلگٸلٸ بولدى. ولاردىڭ قورىتىندىسى بويىنشا 73 مىڭى پارتييا سايتىندا پارتيياعا كٸرۋگە ٶتٸنٸش قالدىردى. تەك ٷگٸت-ناسيحات كەزەڭٸندە پارتيياعا كٸرگەندەردٸڭ سانى 53000-نان 311000-نان استام ادامعا دەيٸن ٶستٸ.
مەسەلەلەردٸ شەشۋ ٷشٸن ورتالىق اپپارات پەن پارتييانىڭ 202 ٶڭٸرلٸك فيليالى جۇمىس ٸستەيتٸن بولادى.
