Búgin elordada ótken brifingide «ADAL» partiiasy uiymnyń qurylymy men jumys josparyn jariialady, dep habarlaidy QazAqparat.
«Sailaý naýqany bizdiń partiiaǵa ońai bolmady. Degenmen de jas partiia retinde eldi aralap, halyqtyń batasyn alyp, bolashaqta atqaratyn isterimizdi aiqyndadyq. Partiiaǵa múshelikke tirkelgender 300 myńnan asyp ketti, áli de kelip jatyr. Bizdiń negizgi maqsatymyz –partiia retinde búginnen bastap naqty jumysqa kirisý. Naýqan ótti, sailaý nátijesin Ortalyq sailaý komissiiasy resmi jariialai jatar. El óńirlerin aralaǵan kezde halqymyzǵa bergen biraz ýádemiz bar. Bul turǵyda partiianyń qurylymyndaǵy mamandardyń tájiribesin eskerip, naqty jumysty bastaýǵa kirisemiz», - dedi «ADAL» partiiasynyń tóraǵasy Serik Sultanǵali.
Onyń aitýynsha, qazirden bastap partiia qurylymy aýqymdy jumys bastaýdy josparlap otyr.
«Tarihi bastama aiasynda partiianyń bolashaǵy bar ekenin kórip otyrmyz jáne oǵan kúmán joq. Jas partiia ekenimizdi moiyndaimyz, sondyqtan ózimizdiń nátijeli jumysymyzdy kórsetýge tiispiz. Ár salada bizdiń mamandar bar. Biz evoliýtsiiaǵa ekpin qoiǵan partiiamyz», - dedi S. Sultanǵali.
Onyń sózine qaraǵanda, partiianyń tuǵyrnamasynyń arqasynda árbir aýyldyń, aýdannyń, oblystyń, qalanyń problemasy anyqtaldy. Osy oraida partiia ókilderi máselelerdi sheshý úshin óz kómegin usynatyn bolady.
Taratylǵan málimet boiynsha 11 jeltoqsannan 8 qańtarǵa deiin partiia ókilderi 5161 kezdesý ótkizip, oǵan 152 822 adam qatysqany belgili boldy. Olardyń qorytyndysy boiynsha 73 myńy partiia saitynda partiiaǵa kirýge ótinish qaldyrdy. Tek úgit-nasihat kezeńinde partiiaǵa kirgenderdiń sany 53000-nan 311000-nan astam adamǵa deiin ósti.
Máselelerdi sheshý úshin ortalyq apparat pen partiianyń 202 óńirlik filialy jumys isteitin bolady.
