قازاقستاندىق شورت-ترەكشٸ ابزال ەجعاليەۆ كەسٸبي سپورتشى رەتٸندەگٸ مانسابىن اياقتاۋ تۋرالى شەشٸم قابىلداعانىن حابارلادى. بۇل تۋرالى سپورتشى ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى ult.kz.
ابزال ەجٸعاليەۆ شورت-ترەكپەن 24 جىل بۇرىن اينالىسا باستاعان. ال 2009 جىلدان بەرٸ قازاقستان ۇلتتىق قۇراماسىنىڭ ساپىندا ەل نامىسىن قورعاعان.
سپورتتىق مانسابىندا ول بارلىق ديستانتسييا بويىنشا قازاقستان چەمپيونى اتانىپ, ەل تاريحىنداعى العاشقى شورت-ترەكتەن ەلەم كۋبوگىنىڭ التىن مەدالٸن جەڭٸپ الدى. سونداي-اق حالىقارالىق جارىستاردا بٸرنەشە رەت جٷلدەگە يە بولعان.
ەجٸعاليەۆ تٶرت وليمپيادا ويىندارىنا قاتىسىپ, ەكٸ رەت قازاقستان تۋىن وليمپيادا ارەناسىندا الىپ شىققان.
«بيىل كەسٸبي سپورتشى رەتٸندەگٸ مانسابىمدى اياقتاۋ تۋرالى شەشٸم قابىلدادىم», – دەپ جازدى سپورتشى.
ول سپورتتاعى جولىن ٶكٸنٸشپەن ەمەس, العىس پەن ماقتانىش سەزٸمٸمەن اياقتاپ جاتقانىن اتاپ ٶتتٸ.
ەندٸ ابزال ەجٸعاليەۆ جيناعان تەجٸريبەسٸ مەن بٸلٸمٸن قازاقستان سپورتىنىڭ دامۋىنا ارناماق. ول ۇلتتىق قۇرامانىڭ جانىنان تابىلىپ, جاس سپورتشىلارعا باعىت-باعدار بەرٸپ, قازاقستان شورت-ترەگٸنٸڭ بولاشاعىنا ٷلەس قوسۋدى جوسپارلاپ وتىر.
«مەنٸڭ سپورتتاعى ميسسييام اياقتالعان جوق. تەك ەندٸ ول جاڭا دەڭگەيدە جالعاسادى», – دەدٸ شورت-ترەكشٸ.
وقي وتىرىڭىز: شورت-ترەك شەبەرٸ ابزال ەجعاليەۆ ٶزٸن ماركو رويسكە تەڭەدٸ
