Qazaqstandyq short-trekshi Abzal Ájǵaliev kásibi sportshy retindegi mansabyn aiaqtaý týraly sheshim qabyldaǵanyn habarlady. Bul týraly sportshy áleýmettik jelidegi paraqshasynda jazdy, dep habarlaidy ult.kz.
Abzal Ájiǵaliev short-trekpen 24 jyl buryn ainalysa bastaǵan. Al 2009 jyldan beri Qazaqstan ulttyq quramasynyń sapynda el namysyn qorǵaǵan.
Sporttyq mansabynda ol barlyq distantsiia boiynsha Qazaqstan chempiony atanyp, el tarihyndaǵy alǵashqy Short-trekten álem kýbogynyń altyn medalin jeńip aldy. Sondai-aq halyqaralyq jarystarda birneshe ret júldege ie bolǵan.
Ájiǵaliev tórt Olimpiada oiyndaryna qatysyp, eki ret Qazaqstan Týyn Olimpiada arenasynda alyp shyqqan.
«Biyl kásibi sportshy retindegi mansabymdy aiaqtaý týraly sheshim qabyldadym», – dep jazdy sportshy.
Ol sporttaǵy jolyn ókinishpen emes, alǵys pen maqtanysh sezimimen aiaqtap jatqanyn atap ótti.
Endi Abzal Ájiǵaliev jinaǵan tájiribesi men bilimin Qazaqstan sportynyń damýyna arnamaq. Ol ulttyq quramanyń janynan tabylyp, jas sportshylarǵa baǵyt-baǵdar berip, Qazaqstan short-treginiń bolashaǵyna úles qosýdy josparlap otyr.
«Meniń sporttaǵy missiiam aiaqtalǵan joq. Tek endi ol jańa deńgeide jalǵasady», – dedi short-trekshi.
Oqi otyryńyz: Short-trek sheberi Abzal Ájǵaliev ózin Marko Roiske teńedi
