ەستەلٸك جازۋ ەجەلگٸدە قالىپتاسقان ەدەبي تەسٸل. ول بٸراق شىعارماشىلىعى شىرقاۋ كٶككە كٶتەرٸلگەن جايساڭ جازۋشىنىڭ, قازاقتىڭ اسىل ازاماتىنىڭ سان قىرلى بەكزات بولمىسى مەن قالامگەرلٸك قارىمىن سارالاي سالماقتاپ, عۇلامالىق عيبراتىن باعالاۋ ەمەس. ٶيتكەنٸ ەبٸشتٸڭ دارىنىنىڭ دارالىعىن, ساناسىنىڭ سارالىعىن, سٶزٸنٸڭ سۋرەتتٸلٸگٸن, بٸلٸمٸنٸڭ بٸرەگەيلٸگٸن قوتارا قامتىپ ايتۋ ٷشٸن ٶزٸڭ دە زەردەسٸ زەرەك زەرتتەۋشٸ, ويى تەرەڭ وقىمىستى بولۋىڭ كەرەك. بۇل تاقىرىپ تالاي جازىلعان, ەلٸ دە جالعاسا بەرمەك. تاڭعاجايىپ تالانتىمەن تانىلعان ەبٸش كەكٸلبايۇلىنىڭ تۇلعالىق ەلەمٸ توم-توم مونوگرافييا جازىلسا دا تاۋسىلا قويماس. ال مەنٸڭ ايتپاعىم ەبەكەڭنٸڭ جول-جٶنەكەي بولماسا, جەتە كٶڭٸل بٶلٸنٸپ, استارى اشىلا ايتىلماعان كٶسەمسٶزشٸلٸگەن بٸر ٷزٸك ەڭگٸمە عانا…
ەيتسە دە, ەڭگٸمەمدٸ ەبٸش اعامەن كەزدەسكەن سەتتەردەن ەسٸمدە قالعان بٸرەر وقيعانى ايتۋدان باستاعاندى جٶن كٶردٸم.
ەبەكەڭنٸڭ تۋعان كٷنٸ قارساڭىندا مەن دە كٶپتەن كٶكەيٸمدە جٷرگەن بٸرەر اۋىز سٶزٸمدٸ ايتۋعا اسىقتىم. ول دا سەبەپسٸز ەمەس. راس, مەن ەبٸش اعامەن قويان-قولتىق ارالاسىپ, قاتار جٷرٸپ سىرلاسقان, ەڭ اقىرى قىزمەتتەس تە بولعانىم جوق. ارا-تۇرا جيىن-تويلاردا, ەدەبي كەشتەردە كەزٸگٸپ, تانىسىپ, جىلى جٷزدەسٸپ, سەلەمدەسٸپ جٷردٸك. ەلگٸ «بٸر شٶكٸم بۇلتتى» وقي سالا راديوپەسا جازىپ, ول قازاق راديوسى ارقىلى بەلگٸلٸ اكتەرلەردٸڭ ورىنداۋىندا تىڭدارمانعا جەتكەن. ٶزٸ ەستٸدٸ مە, جوق ەلدە تانىس-بٸلٸس بٸرەۋلەر ايتتى ما, ەيتەۋٸر جازۋشىلار وداعىندا جولىعىپ قالعاندا راقمەت ايتقانى ەستە.ٷش جىل ەسكەري مٸندەتٸمدٸ اتقارىپ, «لەنينشٸل جاستاعى» بۇرىنعى قىزمەتٸمە كٸرٸسكەن كەزٸم ەدٸ. سول ەڭبەگٸمە بەرگەن قالاماقىما تەلەديدار ساتىپ الىپ, بٸر جارىلقانىپ قالعانمىن. سول العاشقى كٸتابىن وقىعاننان باستاپ, ەبەكەڭنٸڭ بارلىق شىعارمالارىن قۇمارتىپ وقىعان مىڭ سان وقىرمانداردىڭ بٸرٸمٸن.
ەبەكەڭە بايلانىستى تاعى بٸر سىرىمدى ايتا كەتسەم ارتىق بولماس. بٸر قىزىعى, ەكەۋمٸز ادامي تٸرشٸلٸكتە تاعدىرلاس ەكەنبٸز. مەنٸڭ دە ەكەم كەشەگٸ قاندى قىرعىن سوعىستا قازا بولعان. مەنٸڭ دە العاشقى جۇمىس ورنىم – «لەنينشٸل جاس», ٶلەڭٸم دە تۇڭعىش وسى گازەتتە جارييالانعان ەدٸ.
ەندٸ بٸر ەستە قالعان وقىس وقيعانى ايتا كەتەيٸن. ۇمىتپاسام, 1988 جىلدىڭ كٶكتەم ايىنىڭ بٸر كٷنٸ ەدٸ.تاڭ بوزىندا بٸر ەسكەري ادام كەلٸپ, قولىما شاقىرتۋ قۇجاتىن ۇسىندى دا, تەز كيٸنٸپ, جولعا شىعۋىمدى, سىرتتا كٶلٸك كٷتٸپ تۇرعانىن ايتتى. سەبەبٸن تٷسٸندٸرگەن جوق. ٷش جىل ساربازدىڭ سۇر شينەلٸن كيٸپ, قيىر شىعىستا ەسكەري بورىشىمدى ٶتەپ قايتقانمىن. ول از دەگەندەي, ويدا-جوقتا قايىرا ەسكەرگە شاقىرىلىپ, ەكٸ جىل وفيتسەرلٸك مٸندەتٸمدٸ اتقارىپ كەلگەنمٸن. سودان بورالدايدىڭ شىعىس جاعىنا جايعاسقان ەسكەري بٶلٸمنٸڭ كلۋبىنا كەلٸپ تٷستٸك. اينالاما ابايلاي كٶز سالسام, الدىڭعى قاتاردا ەبٸش اعام وتىر. جٷگٸرٸپ بارىپ سەلەم بەرٸپ, جاعداي سۇراسام, ول دا بەيحابار ەكەن. ايتقانداي, ەبەكەڭ دە, مەن دە بالالى-شاعالى بولساق تا, ەسكەرگە الىنىپ, ەكٸ جىل ساردار − ساياسي قىزمەتكەر مٸندەتٸن اتقارىپ قايتقانبىز. بٸر كەزدە ٶڭكەي قاراكٷل پاپاق كيگەن ەسكەريلەر ساحنا تٶرٸنە كٶتەرٸلٸپ, ٸشٸنەن بٸرەۋٸ سۇستانا سٶيلەپ بەرسٸن. ول كەڭەس ەسكەرلەرٸنٸڭ اۋعانستاندا سوعىسىپ جاتقان كەزٸ ەدٸ. سٶيتٸپ سوعان وراي زاپاستاعى وفيتسەرلٸك شەنٸ بار, بۇرىن ەسكەر قاتارىندا بورىشىن ٶتەگەن بٸزدەردٸ سول سوعىسقا جەدەل اتتاندىرۋعا شاقىرتىپتى. ايتۋىنشا, ۋاقىت تىعىز, جولعا شىعۋعا دايارلانۋ ٷشٸن ەكٸ-اق كٷن بەرٸلٸپتٸ. مەجەلٸ جەرگە جەتكەن سوڭ ۇشاقتان پاراشيۋتتان سەكٸرٸپ, بٸردەن ۇرىسقا كٸرەدٸ ەكەنبٸز. وسى سەت ەبەكەڭ ورنىنان اتىپ تۇرىپ ەلگٸ پولكوۆنيككە سۇراۋ سالدى:
− مەن دە, مىنا قاسىمداعى جورنالشى جٸگٸت تە ۇشاق تٷگٸل قوراپتى ماشينادان سەكٸرٸپ كٶرمەپپٸز. سوندا قالاي, بٸزدٸ قارالاي ٶلتٸرۋ ٷشٸن ەدەيٸ اپارماقسىزدار ما?!
– ول قالاي,سەندەر دەسانتشى ەمەسسٸڭدەر مە?
– قايداعى دەسانتتى ايتىپ تۇرسىز?
جينالعانداردىڭ بٸرقاتارى ايعاي-شۋعا باستى. باسقا ەسكەر قۇرامىندا بولعاندار مىنا سٶزدەرٸنٸڭ قيسىنسىزدىعىنا قايران قالۋدا.
ەلگٸ پولكوۆنيك سٶزدەن توسىلىپ, قاسىنداعى ۆوەنكومات كاپيتانىنا اقىرا سٶيلەدٸ.
– بٸزگە كەرەگٸ دەسانتشىلار قاتارىندا بولعاندار ەكەنٸن ارنايى ەسكەرتكەنٸمٸز قايدا? بۇل نەتكەن سوراقىلىق?
سونىمەن نە كەرەك, ەبەكەڭ ەكەۋمٸز امان-ساۋ ٷيٸمٸزگە قايتتىق. ەبەكەڭ ساۋال قويماسا, الدى-ارتىمىزعا قاراتپاي سوعىسقا اتتاندىرىپ جٸبەرەتٸن ەدٸ-اۋ. ەكەلەرٸمٸز سوعىس قۇربانى بولعان ەبەكەڭ ەكەۋٸمٸزدٸ قۇداي اياپ, بٸر ٶلٸمنەن ساقتاپ قالعانىنا شٷكٸر. جولاي ەكەۋٸمٸزدٸڭ بۇرىن دا بالالى-شاعالى بولساق تا, ويدا-جوقتا, زاڭسىز دەسە دە بولعانداي, ەكٸ جىلدىق ٶمٸرٸمٸزدٸ ەسكەري ورتادا ٶتكٸزگەنٸمٸزدٸ, ونىڭ شىعارماشىلىققا قانشاما كەسەلٸ تيگەنٸن ەسٸنە الىپ ەبەكەڭنٸڭ بٸر كٷرسٸنٸپ العانى بار ەدٸ…
بٸر جولى «اتامۇرا» باسپاسى ماڭعىستاۋ وبلىسىنا ارنالعان ەنتسيكلوپەديياسىنىڭ تۇساۋكەسەرٸنە شاقىرعان. ەبەكەڭ دە كەلگەن ەكەن. مەن قولتاڭبا سۇرادىم. ەبەكەڭ ەكەۋٸمٸزدٸڭ كەنەتتەن وپات بوپ كەتۋٸمٸز مٷمكٸن بولعان كەزٸمٸزدٸ, توسىننان اۋعان سوعىسىنا اتتانا جازداعانىمىزدى ەسٸنە تٷسٸرٸپ: «بٸر كەزدەرٸ پولكتاس-تاعدىرلاس بولعان قۋانىشباي باۋىرىما مەنٸڭ تۋعان جەرٸمنٸڭ تاريحىمەن تانىسا جٷرسٸن دەگەن تٸلەكپەن – ەبٸش كەكٸلبايۇلى», – دەپ ەلگٸ كٸتاپتى سىيلاعان ەدٸ…
ەبٸش اعامەن قايسىبٸر توي-تومالاقتا جولىعىپ, داستارحان باسىندا دەم تاتىسىپ, سٶيلەسكەن دە سەتتەر بولعان. سونىڭ بٸرٸ – فاريزا وڭعارسىنوۆانىڭ بالاسى الماستىڭ ٷيلەنۋ تويى. سونداي سەتتەردە بايقاعانىم ەبەكەڭنٸڭ ەردايىم جارقىلداپ كٷلٸپ, ماڭايىنداعى ادامدارعا ەزٸل-قالجىڭ ايتىپ, ٶتە بٸر كٶڭٸلدٸ وتىراتىن جايساڭ مٸنەزدٸ, جٸگٸتتٸڭ تٶرەسٸ ەكەندٸگٸ ەدٸ. ايتپاقشى, بۇل تويدىڭ ەستە قالعان ەرەكشەلٸگٸ: بٸرٸنشٸدەن, العاش رەت اراق-شاراپ قۇيىلماعان, ەكٸنشٸدەن, تويدى ەدەتتەگٸدەي جالدامالى اسابا ەمەس, ەبٸش پەن قادىر كەزەكتەسٸپ باسقارعان.
ەندٸگٸ ەڭگٸمە اۋانى – بار عۇمىرىن حالقىنا قىزمەت ەتۋگە باعىشتاعان ەبٸش كەكٸلبايۇلىنىڭ جازۋشىلىعىنىڭ جالعاسى, قايراتكەرلٸگٸنٸڭ باستاۋى كٶسەمسٶز جانرىنداعى جازبالارى حاقىندا.
ۇلت ەدەبيەتٸن ۇشپاققا كٶتەرٸپ, شىعارمالارى ٶزگە تٸلدەرگە اۋدارىلىپ, دارىنى داڭقىن اسىرعان, ناعىز تالانتى تولىققان شاقتا, ەلٸمٸز تەۋەلسٸزدٸككە قول جەتكٸزگەن تۇستا ەبٸش كەكٸلبايۇلى بٸرىڭعاي مەملەكەتتٸك قىزمەتكە قىزۋ ارالاستى. الماعايىپ زامان تۋعاندا ٶمٸردەن كٶرگەن-بٸلگەنٸ, كٶڭٸلٸنە توقىعانى مول ازاماتتىڭ اتقا قونباسقا امالى قالماعان. ەلٸنٸڭ ەڭسەلٸ ەر-ازاماتتارىنا قوسىلىپ, تەۋەلسٸزدٸكتٸڭ تۋىن كٶتەرٸسٸپ, ۇلتىنىڭ ازاتتىعىن ارمانداعان الاش قايراتكەرلەرٸنٸڭ مۇرات-ماقساتىن جٷزەگە اسىرۋعا ايانباي اتسالىستى. ٶمٸر-تٸرشٸلٸكتٸڭ قاي سالاسىن بولماسىن, ەر قىرىنان الىپ ٶز پٸكٸر-تولعامىن تولعاي جازدى.
مەملەكەتتٸك مەرتەبەسٸ بيٸك جاۋاپتى قىزمەتتەردٸ اتقارا جٷرٸپ تە كٷرمەۋٸ شەشٸلمەگەن كٷردەلٸ مەسەلەلەردٸ – تەۋەلسٸزدٸك, ۇلتتىق بٸرلٸك, تٸل, جەر, تاريح, ەدەبيەت, ٶنەر, ەلەۋمەتتٸك تٸرشٸلٸك تۋراسىنداعى تولعاقتى ويلارى مەن تٷيٸندٸ تۇجىرىمدارىن جان-جاقتى قامتىپ, جارقىراتا جازعان ەلەۋلٸ ەڭبەكتەرٸ «دەۋٸر داۋىسى», «تٸل مەن تەۋەلسٸزدٸك», «ازاتتىقتىڭ اق تاڭى», «سىر-دەستە» (بەس تومدىق) اتالىمدى كٸتاپتارىندا كەستەلەگەن. بۇل كٸتاپتارعا ەنگەن پۋبليتسيستيكالىق ماقالالار كەزٸندە تٷگەلدەي رەسپۋبليكالىق باسپاسٶز بەتتەرٸندە جارىق كٶرگەن. وسىنىڭ بەرٸ قايراتكەر قالامگەردٸڭ, قازاق بالاسىنىڭ, تۋعان ەلٸنٸڭ بٷگٸنٸ مەن بولاشاعىنىڭ جولىندا ۇستانار ٶمٸرلٸك باعىت-باعدارى دەپ باعالاۋعا لايىق. شەشٸلٸپ تە كٶسٸلٸپ سٶيلەپ تە, جازىپ تا ۇلتىنىڭ ۇستىنى, ەل جاقسىسى – ەل اعاسى اتانعانى اقيقات. ەبەكەڭ – جٸگەرٸمٸزدٸ جانىپ, نامىسىمىزدى وياتاتىن دۋالى سٶزدەرٸمەن ەل بولۋدىڭ جاسامپاز جولىن كٶرسەتٸپ, كٶسەمدٸك پەن كٶرەگەندٸلٸكتٸڭ ٷزدٸك ٷلگٸسٸن ۇسىنعان كەمەڭگەرٸمٸز. حالقىنىڭ كٶڭٸلٸن قوبالجىتقان, ساناسىن سانسىراتقان, شەشٸمٸن توسقان ەلدٸك مەندٸ مەسەلەلەردٸ قوزعاپ, ۇلتقا قىزمەتتٸڭ ٷلگٸسٸن كٶرسەتكەن دە ەبٸش ەدٸ. سول بٸر قىستالاڭ ۋاقىتتا كٶسٸلتٸپ كٶسەمسٶز جازىپ, ەل مٷددەسٸن تٷگەندەپ, مۇراتىن مانسۇقتاپ نەبٸر ورامدى ويلارىمەن بٶلٸسٸپ, ەل-جۇرتىن سٷيسٸنتتٸ. قازاق ەدەبيەتٸنە قۇبىلىس ەكەلگەن ەبٸشتٸڭ كٶسەمسٶزدەگٸ ورنى كٶركەمسٶزٸنەن بٸر مىسقال دا كەم ەمەس. ۇلت رۋحانيياتىنىڭ بەيتەرەگٸ ساناتىنداعى ساڭلاق ساياساتكەر, قابىرعالى قالامگەردٸڭ ابىزعا تەن اسىل سٶزدەرٸ, تەرەڭ ويلارى, تۇڭعيىق تۇجىرىمدارى حالقىنىڭ جٷرەگٸنە جازىلىپ, ٶشپەس ٶنەگە بولىپ قالارى حاق.
ەبٸشتٸڭ رۋحانييات قاينارلارىنىڭ قاي سالاسىنان دا تەرەڭ بٸلٸمدارلىعى, زەردەلٸ زەرتتەۋلەرٸ ونىڭ جاراتىلىسىنان عۇلامالىق قاسيەتكە يە بولعاندىعىنا بۇلتارتپاس دەلەل. بۇل پٸكٸرٸمٸزدٸڭ اقيقاتتىعىنا كٶز جەتكٸزگٸسٸ كەلگەن كٸسٸلەر جازۋشىنىڭ 20 توم بولىپ جارىققا شىققان كٸتاپتارىن وقىسا بولعانى… قاي سالادا قالام سٸلتەسە دە, مەسەلەنٸڭ جٸلٸك مايىن شاعىپ, ونىڭ باستاۋى مەن بٷگٸنگٸ جاعداياتى تۋرالى باس الماي وقىپ, كٶكٸرەك كٶزٸ اشىلىپ, جاندٷنيەسٸ رۋحاني بايىرى سٶزسٸز. ولاردىڭ ەرقايسىسىنا توقتالىپ, تالداي تٷسٸندٸرۋ ٷشٸن ارنايى عىلىمي تراكتاتتار جازۋعا تۋرا كەلەر ەدٸ. بۇل ماقالاداعى مەنٸكٸ تەك سٸلتەمە جاساۋ. الايدا بٸر عانا مىسالعا جٷگٸنە كەتەيٸن. مىسالى, 2007 جىلدىڭ مامىر ايىندا «ەگەمەن قازاقستان» گازەتٸنٸڭ ٷش بٸردەي سانىندا جارييالانعان «ٶركەنيەت ٶزەگٸ» دەگەن ەسسەسٸن وقىپ شىققان كٸسٸ كٸتاپ باستىرىپ شىعارۋدىڭ قاي ەلدە, قاي تٸلدە, قانداي ەرٸپپەن, قاشان, قالاي باستالىپ, قالاي ٶركەندەگەنٸنٸڭ تٷپ تاريحىنا قانىعار ەدٸ. عالىم ەبٸش قازٸرگٸ كەزەڭدەگٸ كٸتاپ شىعارۋ, ونى تاراتۋ مەن وقىتۋ بارىسىن بايىپتاي وتىرىپ, «ۇلتتىق نامىس, رۋحاني ەلجاندىق كٷش-جٸگەرمەن شىعارماشىلىق قالىپتاستىرعان سۋرەتكەرلٸك, زەرتتەۋشٸلٸك, ٸزدەنٸمپازدىق ەلەۋەتٸمٸزدٸ تەرك ەتٸپ» الماۋىمىزدى اماناتتاعان. كەشەگٸ كەڭەستٸك زاماندا ٶلەڭ كٸتاپتارى ون مىڭ, ال پروزالىق ەڭبەكتەرٸ ەلۋ, الپىس, تٸپتٸ جٷز مىڭداپ شىعىپ, ساتىلعانىن ەسكە الا وتىرىپ, «ەلٸ تٷگەلدەي ايىعىپ بولماعان ەكونوميكالىق قيىنشىلىقتار تۇسىندا ەڭ وڭباي تۇرالاعان – ۇلتتىق كٸتاپ باسۋ ەكەنٸ راس. بٸراق سولاي ەكەن دەپ, قول قۋسىرىپ قاراپ وتىرۋعا بولماس. مەملەكەت ٶز ازاماتتارىنىڭ رۋحاني دەنساۋلىعىنا دا نەمقۇرايى قاراماۋعا تيٸس. ۇلتتىق بايلىعىمىزدى, ۇلتتىق بيزنەستٸ دامىتۋ ٷشٸن ۇيىمداستىرىلعان «قازىنا», «سامۇرىق» سىندى قۇرىلىمدار ۇلتتىق ٶنەر مەن ەدەبيەتتٸ نارىق جولىمەن دامىتۋدىڭ كەشەندٸ باعدارلاماسىن قولعا الىپ, جٷزەگە اسىرعانى جٶن». مٸنە, ەبەكەڭ ۇلتتىق جاڭعىرۋدىڭ جاڭاشا جولىن وسىلايشا تٷيٸندەگەن. بٸر بۇل عانا ەمەس, تەۋەلسٸزدٸكتٸڭ تۇعىرىن بەكٸتۋ ماقساتىنداعى مەسەلەلەردٸڭ ٸشٸندەگٸ رۋحانييات سالاسىنىڭ ٶسٸپ-ٶركەندەۋٸنە قاجەتتٸ شارالاردىڭ شەشٸمٸن تابۋىنا بايلانىستى ٶز ۇسىنىستارىن بيلٸكتٸڭ بيٸك مٸنبەرلەرٸندە, باسپاسٶز بەتتەرٸندە ايىزىمىزدى قاندىرىپ ايتىپ, جەتكٸزۋدەن الدىنا جان سالماعان ساياساتكەر-سۋرەتكەر جازۋشىعا قازاق حالقىنىڭ ريزاشىلىق بٸلدٸرۋٸنٸڭ, قادٸرلەۋٸنٸڭ سىرى وسىندا شىعار.
كٶرنەكتٸ كٶسەمسٶزشٸ كەكٸلبايۇلىنىڭ ەلٸنٸڭ مۇڭ-مۇقتاجىن ايتىپ, ونىڭ ورنىن تولتىرىپ, حالقىنىڭ مٷددەلٸ ماقسات-مۇراتىنا جەتۋٸنە تٸلەك قوسىپ, جاناشىر بولىپ, ەل باسشىلارىنا, بيلٸك بيٸگٸندە جٷرگەن ازاماتتارعا قاراتا سٶز ارناۋى – الاشتىق رۋحتىڭ جالعاسى دەپ باعالاۋعا لايىق قارەكەت. باسقا باسىلىمداردان تىس, تەك «ەگەمەن قازاقستاندا» 1500 بەتتەن اساتىن 144 ماقالاسى جارييالانىپتى. باس باسىلىمنىڭ باسشىسى دارحان قىدىرەلٸنٸڭ ايتۋىنشا, ول ەڭبەك «دەۋٸر داۋىسى» اتتى كٸتاپ بولىپ شىقپاقشى ەكەن.
قازاقتىڭ اسا كٶرنەكتٸ جازۋشىسى, كەمەڭگەر قايراتكەرٸ دەپ ونىڭ عۇلامالىق قادٸر-قاسيەتٸن قىسقارتا قايىرساق تا, بەرٸبٸر ەل-جۇرتى بٸزسٸز دە ەبەكەڭ سىندى بٸرتۋار پەرزەنتٸنٸڭ الاشىنا العاۋسىز سٸڭٸرگەن ەرلٸككە تەن ەرەن ەڭبەگٸن, رۋحاني مۇراسىن مەڭگٸلٸك ەسٸندە ساقتاپ, بولاشاقتا دا ٶمٸرلٸك ٶنەگە تۇتاتىندىعىنا كەمٸل سەنٸمدٸمٸز. ەل بولۋدىڭ ەلەڭ-الاڭ تۇسىندا ۇلتتى ۇيىتىپ, جالپاق ەلدٸ جۇمىلدىرىپ «ويداعىمىز بولدى. ورتامىز تولدى. تٶبەدەگٸ كەلدٸ» دەپ اتالى سٶز ايتقان ابىز ەبٸشتٸڭ لەبٸزٸ دە, ٶزٸ دە قايران قازاعىمەن بٸرگە جاسايتىنى, دٷنيە تۇرعانشا تۇراتىنى اقيقات. «قانداي قيىندىق بولسا دا, ونى جەڭۋ ٷشٸن ايقاي-شۋ ەمەس, قاجىرلى ەڭبەك كەرەك, بولاشاققا سەنٸم كەرەك, حالقىنىڭ بٸرلٸگٸ كەرەك». ەبٸشتٸڭ كٷللٸ كٶسەمسٶزٸن بٸزدەرگە قالدىرعان ٶسيەتٸ دەپ قابىلداۋىمىز كەرەك. مٸنە, بۇل – ساياسي قايراتكەردٸڭ سارا سٶزٸ. قازاقتىڭ ۇلت بولىپ ۇيىسۋى مەن مەملەكەت بولىپ قالىپتاسۋى جولىنداعى قيىن-قىستاۋ ٶتكەلەكتەرٸ مەن بٷگٸنگٸ شىققان بەلەستەرٸ, الداعى ارمان-اڭسارى, كەمەل ويلارى, قوعامدىق- ساياسي كٶزقاراستارى ەبٸشتٸڭ تەرەڭنەن تولعاپ, الىستان اڭداپ جازعان كٶسەمسٶزدەرٸندە بارىنشا كەڭٸنەن باياندالعان. ابىز قالامگەردٸڭ شىڭىراۋداي تەرەڭ, كٶك زەڭگٸردەي ٶر دە بيٸك ويلارعا تۇنىپ تۇرعان ەر تۋىندىسى ەل جادىندا قاشاندا جاڭعىرا بەرمەك.
قۋانىشباي قۇرمانعالي,
حالىقارالىق الاش ەدەبي سىيلىعىنىڭ لاۋرەاتى
