اباي وبلىسىندا ورمان ٶرتٸمەن كٷرەستە قازا تاپقان ٶرت سٶندٸرۋشٸلەر مەن ورمانشىلارعا ەسكەرتكٸش اشىلدى. اشىلۋ سالتاناتىنا وبلىس ەكٸمٸ نۇرلان ۇرانحاەۆ, وبلىستىق مەسليحات تٶراعاسى قۋانىش سٷلەيمەنوۆ, قازا تاپقان ورمانشىلاردىڭ تۋىستارى, مەملەكەتتٸك ورگانداردىڭ قىزمەتكەرلەرٸ جەنە جەرگٸلٸكتٸ تۇرعىندار قاتىستى. شارادا باتىرلاردىڭ قۇرمەتٸنە گٷل شوقتارىن قويۋ رەسٸمٸ دە ٶتكٸزٸلدٸ.
ەسكەرتكٸشتٸڭ اۆتورى — مٷسٸنشٸ نۇربول قاليەۆ. گرانيت تۇعىرعا ورناتىلعان سەگٸز مەترلٸك ەسكەرتكٸش تٸلسٸز جاۋعا قارسى تۇرعان «سەمەي ورمانى» رەزەرۆاتىنىڭ باتىل ورمانشىلارىنىڭ رۋحىنا تاعزىم ٸسپەتتەس. قولادان جاسالعان ەسكەرتكٸش قازا تاپقانداردىڭ باتىلدىعى مەن ٶز ٸستەرٸنە دەگەن ادالدىعىن بەينەلەيتٸن رەلەفتەرمەن بەزەندٸرٸلگەن.
ەسكەرتكٸشتٸڭ اشىلۋىندا سٶز العان ايماق باسشىسى نۇرلان ۇرانحاەۆ جەرلەستەرٸمٸزدٸڭ ەرلٸك داڭقى ٶشپەيتٸندٸگٸن ەرەكشە اتاپ ٶتتٸ.
«قارا ورماندى قادٸرلەپ, باتىلدىق پەن باتىرلىقتىڭ جارقىن ٷلگٸسٸن كٶرسەتكەندەر ۇرپاق جادىندا مەڭگٸ ساقتالادى. بۇل تۇعىرتاس تابيعاتتىڭ توسىن مٸنەزٸنە تٶتەپ بەرگەن ازاماتتاردىڭ اتىن ەيگٸلەۋ ٷشٸن ارنايى قويىلىپ وتىر. ەسٸمدەرٸ تاريح تاقتاسىنا التىن ەرٸپپەن جازىلىپ, ۇرپاعى ماقتان ەتەر جەرلەستەرٸمٸزگە, بٸز, قاشاندا باسىمىزدى يەمٸز!», - دەدٸ ايماق باسشىسى نۇرلان ۇرانحاەۆ ٶز سٶزٸندە.
شارادا قازا تاپقان ورمانشىلاردىڭ تۋىستارى سٶز سٶيلەدٸ. سولاردىڭ بٸرٸ اراي ەمٸرحانوۆا ەسكەرتكٸش باتىرلارعا قۇرمەت ەكەنٸن اتاپ ٶتتٸ.
«اشىلعان ەسكەرتكٸش بەيبٸت كٷننٸڭ باتىرلارىنا كٶرسەتٸلگەن قۇرمەت دەپ ەسەپتەيمٸن. مەملەكەت تاراپىنان كٶرسەتٸلگەن قولداۋدى سول قايعىلى كٷننەن بەرٸ سەزٸنٸپ كەلەمٸز. بٸرٸ جارىنان, بٸرٸ ۇلىنان, بٸرٸ اعا-باۋىرىنان ايىرىلعان قايعىلى جاعدايدى ەل بولىپ بٸرگە ٶتكەردٸك. بٷگٸن مٸنە ەڭسەلٸ ەسكەرتكٸش ورناتىلدى. العاش رەت بٸزبەن كەزدەسكەندە مەملەكەت باسشىسى قاسىم-جومارت كەمەلۇلى بارلىق كٶمەكتٸ الاسىزدار دەپ ايتقان بولاتىن. پرەزيدەنتٸمٸزگە قولداۋ كٶرسەتٸپ, كٶمەك قولىن سوزعانى ٷشٸن زور العىس بٸلدٸرەمٸن. بارلىق كٶمەكتٸ الدىق, وعان مىڭ دا بٸر العىس» - دەدٸ اراي ەمٸرحانوۆا.
ەسكەرتكٸش بورودۋليحا اۋدانىنداعى كامىشەنكا ورمانشىلىعىنىڭ ماڭى مەن رەسپۋبليكالىق كٷرە جولدىڭ بويىندا ورنالاسقان. بۇل باتىلدىق پەن ادالدىقتىڭ مەڭگٸلٸك سيمۆولىنا اينالىپ, ٶز حالقىنىڭ قاۋٸپسٸزدٸگٸ مەن تابيعاتتى قورعاۋ ٷشٸن ٶزٸن قۇربان ەتكەندەردٸ ەسكە سالادى.
