اباي وبلىسىندا قۇنى 67 ملن اقش دوللارىن قۇرايتىن ٸرٸ يندۋسترييالىق-ەكولوگييالىق اعاش ٶڭدەۋ پاركٸ بوي كٶتەرەدٸ. جوبا ٶرتتەن زارداپ شەككەن جەنە سانيتارلىق كەسۋگە جاتاتىن اعاشتاردى تيٸمدٸ ٶڭدەۋگە, قالدىقسىز ٶندٸرٸس قالىپتاستىرۋعا جەنە ٶڭٸردٸڭ ٶنەركەسٸپتٸك ەلەۋەتٸن ارتتىرۋعا باعىتتالعان, دەپ حابارلايدى ult.kz وبلىس ەكٸمدٸگٸنە سٸلتەمە جاساپ.
جوبا اياسىندا سەمەي قالاسىندا 50 گەكتار اۋماقتا تولىق تسيكلدٸ اعاش ٶڭدەۋ پاركٸ, ال بورودۋليحا اۋدانىنداعى ميحايلوۆكا اۋىلىندا 4 گەكتار جەرگە اعاشتى باستاپقى ٶڭدەۋ كەشەنٸ سالىنادى.
سەمەيدەگٸ ٶندٸرٸس جىلىنا 2 ملن تەكشە مەترگە دەيٸن اعاش شيكٸزاتىن ٶڭدەپ, 800–900 مىڭ تەكشە مەتر دايىن ٶنٸم شىعارۋعا قاۋقارلى بولادى. كەشەن قۇرامىندا MDF, OSB جەنە FOSB تاقتالارىن شىعاراتىن زاۋىتتار, جيھاز ٶندٸرٸسٸ, اعاش پەللەتتەرٸ مەن بيووتىن, ورگانيكالىق تىڭايتقىش ٶندٸرەتٸن كەسٸپورىندار, سونداي-اق قۇرىلىس-لوگيستيكالىق ورتالىق جۇمىس ٸستەيدٸ.
ال بورودۋليحا اۋدانىنداعى كەشەندە جىلىنا 500 مىڭ تەكشە مەترگە دەيٸن اعاش ٶڭدەلٸپ, 120–150 مىڭ توننا اعاش پەللەتٸ ٶندٸرٸلەدٸ. مۇندا اعاشتى قابىلداۋ, سۇرىپتاۋ, ارالاۋ, كەپتٸرۋ جەنە تەرەڭ ٶڭدەۋگە دايىنداۋ جۇمىستارى جٷرگٸزٸلٸپ, كەيٸن شيكٸزات سەمەيدەگٸ نەگٸزگٸ ٶندٸرٸس الاڭىنا جٶنەلتٸلەدٸ.
جوبا تولىق ٸسكە قوسىلعاندا 900-گە دەيٸن تۇراقتى جۇمىس ورنى اشىلادى. ٶندٸرٸلگەن ٶنٸم ٸشكٸ نارىقپەن قاتار ورتالىق ازييا, ەۋروپا, جاپونييا, وڭتٷستٸك كورەيا جەنە باسقا دا حالىقارالىق نارىقتارعا ەكسپورتتالماق.
كەسٸپورىندى 2028 جىلى پايدالانۋعا بەرۋ جوسپارلانىپ وتىر. جوبا ٶڭٸردە اعاش ٶڭدەۋ سالاسىن دامىتۋعا, تابيعي رەسۋرستاردى تيٸمدٸ پايدالانۋعا جەنە جوعارى قوسىلعان قۇنى بار ەكسپورتقا باعدارلانعان ٶنٸم ٶندٸرٸسٸن جولعا قويۋعا مٷمكٸندٸك بەرەدٸ.
سونىمەن قاتار, بيىل اباي وبلىسىندا جالپى قۇنى 131,2 ملرد تەڭگەنٸ قۇرايتىن 41 ينۆەستيتسييالىق جوبانى ٸسكە اسىرۋ كٶزدەلگەن. نەتيجەسٸندە 3263 جاڭا جۇمىس ورنى اشىلادى. جىل باسىنان بەرٸ ٶڭٸردە 34,62 ملرد تەڭگەلٸك 14 جوبا پايدالانۋعا بەرٸلٸپ, 598 ادام تۇراقتى جۇمىسپەن قامتىلعان.
