قر اقپارات جەنە كوممۋنيكاتسييالار مينيسترٸ دەۋرەن اباەۆ «سٶز بوستاندىعى بويىنشا قازاقستان ەلەم ەلدەرٸ ٸشٸندە نەلٸكتەن 160-شى ورىندا تۇر?» دەگەن سۇراققا جاۋاپ بەردٸ, دەپ حابارلايدى قازاقپارات تٸلشٸسٸ.
«بٸز بۇل باعىتتا ەلٸ دە جۇمىس ٸستەپ, ٷيرەنۋ كەرەكتٸگٸن جاسىرىپ وتىرعان جوقپىز. بۇل - قالىپتى ەۆوليۋتسييالىق پروتسەسس. قازاقستان - دەموكراتييانى قالىپتاستىرىپ كەلە جاتقان مەملەكەت. تەۋەلسٸزدٸكتٸڭ ٷش ون جىلدىعىندا بٸز جوسپارلى تٷردە دەموكراتييالىق ينستيتۋتتاردىڭ ٸرگەسٸن قالاپ, سونىمەن قاتار راديكالدىق ستسەنارييلەردەن بويىمىزدى اۋلاق سالعىمىز كەلەدٸ. رەيتينگ تۋرالى ايتار بولسام, سٶز بوستاندىعى تۋرالى رەيتينگ - شىنايى (وبەكتيۆتٸ) ەمەس دەپ ەسەپتەيمٸن. ونىڭ ەدٸستەمەسٸندە دولبار كٶپ», - دەدٸ دەۋرەن اباەۆ حابار ارناسىنداعى «اشىق ديالوگ» باعدارلاماسىندا.
مينيستر ٶز سٶزٸ دەلەلدٸ بولۋى ٷشٸن بٸرنەشە مىسال كەلتٸردٸ.
«مەسەلەن, ول رەيتينگتە مەكسيكا قازاقستاننان 12 پوزيتسيياعا جوعارى. بٸراق, ەكٸ مىڭىنشى جىلدان بەرٸ ول ەلدە قاتەلەسپەسەم 140-قا تارتا جۋرناليست ٶلتٸرٸلٸپ, تاعى 20-سى ٸز-تٷزسٸز كەتكەن. ويلانىپ قاراڭىز, قاي ەلدە سىني ماقالانى جازۋعا ٷرەيلەنەر ەدٸڭٸز - قازاقستاندا ما, ەلدە بٸزدەن رەيتينگتە 12 پوزيتسيياعا جوعارى ەلدە مە? بۇل تٸزٸمدە 42-شٸ ورىندا - بوتسۆانا تۇر. ول ەلدە ٷكٸمەت باق-تىڭ ارحيۆٸن قۇرتىپ, مەملەكەتتٸك اپپاراتتىڭ بارلىق اقپاراتى قۇپييا تٷردە ۇستالادى. ال ول اقپاراتقا قول جەتكٸزۋ جولىنداعى كەز كەلگەن ەرەكەت زاڭمەن قۋدالانادى. بۇل مىسالداردى مەن بٸرەۋلەرگە تەڭەسۋ نەمەسە بٸزدٸڭ ارتىقشىلىقتارىمىزدى كٶرسەتۋ ٷشٸن ەمەس, رەيتينگتٸڭ سۋبەكتيۆتٸلٸگٸ مەن ونىڭ ەسەبٸن كٶرسەتۋ ٷشٸن ايتىپ وتىرمىن», - دەدٸ مينيستر.
دەۋرەن اباەۆ سونىمەن قاتار اقپارات جەنە كوممۋنيكاتسييالار مينيسترلٸگٸنٸڭ «باق تۋرالى» زاڭعا ەنگٸزٸلگەن ٶزگەرٸستەر تۋرالى تاعى دا پٸكٸر بٸلدٸردٸ. باعدارلاما جٷرگٸزۋشٸسٸ ٶز سۇراعىندا «كٶپتەگەن ادامدار بۇل ٶزگەرٸستەردٸ شەكتەۋدٸ ٷدەتۋ دەپ بٸلەدٸ, بەلكٸم وسى ٶزگەرٸستەر رەيتينگتەگٸ 160-شى ورىنعا سەبەپكەر بولىپ تۇرعان بولار» دەگەن سۇراق قويدى.
«بٸز بۇل تاقىرىپتى ەىقۇ ٶكٸلدەرٸمەن دە, حالىقارالىق ۇيىمدارمەن دە بٸرنەشە رەت تالقىلاعان ەدٸك. مەن بٸرنەشە رەت كٶپتەگەن نورمالار جۋرناليستەردٸڭ جۇمىسىن جەڭٸلدەتۋگە باعىتتالعانىن اتاپ ٶتتٸم. 200-گە تارتا ٶزگەرٸستٸڭ ٸشٸندە تەك بٸرنەشەۋٸ عانا پٸكٸرتالاس تۋدىرعان بولاتىن. جالپى, بۇل - قازٸرگٸ تاڭدا جاھاندىق ترەند. مەسەلەن, ٶتكەن جىلى گەرمانييا پارلامەنتٸ جالعان اقپارات تاراتقانى ٷشٸن جاۋاپكەرشٸلٸكتٸ كٷشەيتۋ تۋرالى زاڭ قابىلدادى. كٶپتەگەن سىندار ول كەزدە دە ايتىلدى. بٸراق, زاڭ قابىلداندى. سونداعى جازانىڭ قانداي بولاتىنىن بٸلەسٸز بە? جالعان اقپارات تاراتقان جەكە ادام ٷشٸن ايىپپۇل مٶلشەرٸن 5 ملن ەۋروعا دەيٸن كٶبەيتكەن. زاڭدى تۇلعالار مۇنداي قىلمىسى ٷشٸن 50 ملن ەۋروعا دەيٸن تٶلەيدٸ. 50 ملن ەۋرولىق ايىپپۇل كەز كەلگەن رەداكتسييانى بانكروتقا وتىرعىزا الادى», - دەدٸ دەۋرەن اباەۆ.
