اتىراۋ وبلىسىندا بيۋدجەت قاراجاتىن اسا ٸرٸ كٶلەمدە جىمقىرۋ ٸسٸ بويىنشا سوتتالعان مەملەكەتتٸك مەكەمەنٸڭ ەسەپشٸسٸنە قولدانىلعان راقىمشىلىقتىڭ كٷشٸ جويىلدى. بۇل تۋرالى "اق جايىق" باسىلىمى حابارلادى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, 2023–2024 جىلدارى ەسەپشٸ مەكەمە باسشىسىمەن سٶز بايلاسىپ, 88,8 ميلليون تەڭگەدەن استام بيۋدجەت قاراجاتىن زاڭسىز يەمدەنگەن.
بٸرٸنشٸ ساتىداعى سوت ەيەلدٸ جەتٸ جىلعا باس بوستاندىعىنان ايىرعان. الايدا كەيٸن راقىمشىلىق تۋرالى زاڭ نەگٸزٸندە جازا مەرزٸمٸ تٶرت جىل سەگٸز ايعا دەيٸن قىسقارتىلعان.
كەيٸن باس پروكۋراتۋرا راقىمشىلىقتىڭ زاڭ تالاپتارىنا قايشى قولدانىلعانىن انىقتادى. قولدانىستاعى زاڭ بويىنشا اسا ٸرٸ كٶلەمدەگٸ جىمقىرۋ قىلمىسى ٷشٸن جازا كەلتٸرٸلگەن زالال تولىق ٶتەلگەن جاعدايدا عانا قىسقارتىلۋى مٷمكٸن. الايدا سوتتالعان ازاماتشا مەملەكەتكە كەلتٸرٸلگەن شىعىندى تولىق ٶتەمەگەن.
سونىمەن قاتار ودان 36,8 ميلليون تەڭگەدەن استام قاراجاتتى ٶندٸرٸپ الۋ تۋرالى سوت قاۋلىسى شىعارىلعان. سوعان قاراماستان, بٸرٸنشٸ ساتىداعى سوت جازانى ٷشتەن بٸرگە قىسقارتقان, ال اپەللياتسييالىق سوت بۇل شەشٸمدٸ ٶزگەرٸسسٸز قالدىرعان.
باس پروكۋراتۋرانىڭ كاسساتسييالىق نارازىلىعى نەتيجەسٸندە راقىمشىلىقتى قولدانۋ تۋرالى شەشٸمنٸڭ كٷشٸ جويىلىپ, باستاپقى ٷكٸم – جەتٸ جىلعا باس بوستاندىعىنان ايىرۋ جازاسى قايتا كٷشٸنە ەندٸ.
پروكۋراتۋرا زاڭدا كٶزدەلگەن تالاپتاردىڭ بٸرٸ – كەلتٸرٸلگەن زالال تولىق ٶتەلمەيٸنشە راقىمشىلىق قولدانىلمايتىنىن تاعى بٸر مەرتە ەسكە سالدى.
