«استانا وپەرا» تەاترىنىڭ ەرتٸسٸ ماريكو كيتامۋرا بالەرينا مانسابىن اياقتادى. توكيونىڭ تۋماسى وتانى جاپونيياعا قايتىپ ورالماق. ٶز سۇحباتىندا بيشٸ قازاقستانداعى ٶمٸرٸ تۋرالى ەسەرلەرٸمەن بٶلٸسٸپ, قازاق بالەتٸنٸڭ ەرەكشەلٸگٸ تۋرالى ايتتى, سونىمەن قاتار ەلٸمٸزگە, تۋعان تەاترىنا كٶرەرمەن رەتٸندە كەلۋگە ۋەدە بەردٸ, دەپ حابارلايدى «استانا وپەرا» تەاترىنىڭ باسپاسٶز قىزمەتٸ.
- سٸز ون جىلعا جۋىق كەسٸبي قىزمەتٸڭٸزدٸ قازاق بالەتٸنە ارنادىڭىز, ەلوردالىق تەاترعا قالاي كەلدٸڭٸز, ەلٸمٸزبەن تانىستىعىڭىز قالاي باستالدى?
- بەس جىلداي مەسكەۋلٸك تەاتردا جۇمىس ٸستەدٸم, 2013 جىلى قازاقستاندا ورتالىق ازيياداعى ەڭ ٸرٸ تەاترلاردىڭ بٸرٸ اشىلادى دەگەندٸ ەستٸپ, ٶز باعىم مەن كٷشٸمدٸ سىناۋعا بەل بۋدىم. ٶتە قاتاڭ كونكۋرستىق ٸرٸكتەۋ بولدى, ەرتٸستەردٸ تٷرلٸ ەلدەن كەلگەن قازىلار مٷشەلەرٸ باعالادى, باعىما وراي, شىعارماشىلىق بايقاۋدان سٷرٸنبەي ٶتٸپ, «استانا وپەرا» ترۋپپاسىنا قابىلداندىم.
- قازاقستان بٸردەن ۇنادى ما?
- يە, ەلبەتتە. مۇنداعى ادامدار ٶتە اشىق جارقىن, مەيٸرٸمدٸ, نيەتتەس. بالەت ترۋپپاسىمەن تانىسقان كەزدە دە ٶزٸمە دەگەن وسىنداي قارىم-قاتىناستى سەزٸندٸم, مەنٸ قولداپ, كٶمەكتەسٸپ, ەردايىم اقىل-كەڭەسٸن بەرۋدەن ايانبايتىن كٶپتەگەن دوسىم بار.
- ولاي بولسا, نەلٸكتەن جاپونيياعا ورالۋ تۋرالى شەشٸم قابىلدادىڭىز?
- تٷسٸنەسٸزدەر مە, بالەت ەرتٸسٸنٸڭ عۇمىرى قىسقا, مەنٸڭ جاسىم 36-دا, كەسٸبي مانساپتى توقتاتۋ سەتٸ كەلدٸ, سوندىقتان توكيوعا, ساعىندىرعان وتباسىما ورالامىن دەپ شەشتٸم. قىزمەت سالامدى اۋىستىرۋدى جوسپارلاۋدامىن, دەگەنمەن بالەت مەڭگٸ-باقي مەنٸمەن بٸرگە, ەندٸ تەك ٶزٸم ٷشٸن اينالىسامىن. «استانا وپەرا» تەاترىندا جۇمىس جاساعان جىلدارىم ٸشٸندە ساحنا تٶرٸندە جارقىن جەكە پارتييالاردى, تٶرتتٸكتەردٸ, ەكٸلٸكتەردٸ جاسادىم, تەاتردىڭ رەپەرتۋارىنداعى تٷگەل دەرلٸك سپەكتاكلدەردە بيلەدٸم. «شوپەنيانا» رومانتيكالىق بالەتٸندەگٸ پرەليۋد ايرىقشا ەسٸمدە, ول ٶتە كٷردەلٸ نٶمٸر. وسىنداي مەندٸ دە مازمۇندى مانسابىم ٷشٸن, ەسٸرەسە, «جيزەل», «دون كيحوت» بالەتتەرٸندەگٸ بٸرنەشە پرەمەرالارىم ورىن العان ٶزٸمنٸڭ سوڭعى تەاتر ماۋسىمىم ٷشٸن بالەت ترۋپپاسىنىڭ كٶركەمدٸك جەتەكشٸسٸ, رەسەيدٸڭ حالىق ەرتٸسٸ التىناي اسىلمۇراتوۆاعا العىسىم شەكسٸز, مەن ەردايىم ونىڭ قولداۋىن, ماعان دەگەن جىلى لەبٸزٸن سەزٸندٸم.
- سۇحباتتارىڭىزدىڭ بٸرٸندە سٸز اتا-اناڭىز ەرقاشان كٶرەرمەن ٷشٸن بيلەۋٸڭ كەرەك دەپ ٷيرەتكەنٸن ايتقانسىز. «استانا وپەرا» تەاترى اشىلعالى سٸزدٸڭ ٶز كٶرەرمەندەرٸڭٸز پايدا بولعانىن جاقسى بٸلەمٸز.
- تەاترىمىزعا يگٸ, جانى جايساڭ جاقسى كٶرەرمەندەر كەلەدٸ, ولار ٷنەمٸ ەرتٸستەردٸ قوشەمەتتەرٸمەن قولداپ وتىرادى. سٶزسٸز, كەز كەلگەن ەرتٸس زالدان كەلەتٸن قۋاتپەن جٸگەرلەنەدٸ, ارامىزدا ەموتسييالارمەن الماسۋ جٷرەدٸ دەسەك بولادى. مەن بالەتتٸ قاتتى جاقسى كٶرەمٸن, ساحناعا شىققان كەزدە ٶزٸم ٷشٸن دە بيلەيمٸن, بۇدان زور لەززات الامىن, سەبەبٸ ەردايىم وسىنى ارماندايتىنمىن.
- قازاقستاندا ٶتكٸزگەن جىلدارىڭىز ٸشٸندە ٶزٸڭٸز ٷشٸن قانداي جاڭا تۇستاردى اشتىڭىز?
- مۇنداعى ادامداردىڭ جايدارى ەكەنٸن جوعارىدا ايتىپ ٶتتٸم. وسىندا تۇرىپ كەلە جاتقاننان بەرٸ قازاقتىڭ دەستٷرلٸ تاعامدارىنا ٷيرەندٸم, ٶتە دەمدٸ ەت, ەسٸرەسە, قازى تٸل ٷيٸرەدٸ. بۇل ەلدٸڭ سالت-دەستٷرٸ مەن مەدەنيەتٸ كەرەمەت. كٶپ ۋاقىت بويى نۇر-سۇلتاندا تۇرعاندىقتان, قالانىڭ ەسەم سەۋلەتٸن اتاپ ٶتە الامىن, ول ەلەمدٸك استانالاردان ەش كەم تٷسپەيدٸ. دەمالىس كٷندەرٸ دوستارىمىزبەن جاپ-جاسىل ساياباقتار مەن گٷل باقتارىندا جيٸ قىدىراتىنبىز, مۇندا بەرٸ دە جانعا جايلى, قولايلى, بەرٸ دە كەرەمەت ويلاستىرىلعان. بٸر جاعىنان, قازاق مەنتاليتەتٸنە, مەدەنيەتٸنە سٸڭٸسٸپ كەتتٸم, وسى ەلمەن قوشتاسۋ كٶڭٸلٸمدە مۇڭلى سەزٸم تۋدىرادى. ارقامدا جاۋاپكەرشٸلٸك جٷگٸ بارىن سەزٸنەمٸن, سەبەبٸ مەدەني ٶمٸر مەنٸڭ ەسٸمٸممەن دە بايلانىستى: «استانا وپەرا» تەاترىنىڭ اشىلۋىنا قاتىستىم, مۇندا ماعان ارناپ تٸگٸلگەن كوستيۋمدەر دە بار. زور العىس سەزٸمٸمەن كەتٸپ بارامىن, سەبەبٸ دەل وسى قازاقستاندا ەلەمدٸك اتاعى بار قويۋشى حورەوگرافتارمەن جۇمىس ٸستەۋ مٷمكٸندٸگٸ تۋدى. اشىلعان سەتٸنەن باستاپ تەاتر اۋقىمدى ٸس تىندىردى, باسقا ترۋپپالاردا مەن دايىن رەپەرتۋاردى بيلەيتٸنمٸن, ال مۇندا بالەتتٸڭ تۇڭعيىعىنا تەرەڭٸرەك بويلاۋعا, سپەكتاكل جاسالۋىنىڭ قىر-سىرىن ٷيرەنۋگە مٷمكٸندٸك بەرٸلدٸ, وسىنىڭ ارقاسىندا بالەتتٸڭ دٷنيەگە كەلۋٸ تۋرالى پٸكٸرٸم تٷبەگەيلٸ ٶزگەردٸ, بۇل وراسان زور ەڭبەك. كٶز الدىمدا «استانا وپەرا» تەاترى قازاقستان مەدەنيەتٸنٸڭ بەتكە ۇستارىنا اينالدى, وسى تاريحتىڭ بٸر بٶلشەگٸ بولعانىم ٷشٸن ٶزٸمدٸ باقىتتى سەزٸنەمٸن. ەندٸگٸ كەزەكتە تەاترعا كٶرەرمەن رەتٸندە ورالۋ جوسپارىمدا بار, ال ەگەر ترۋپپا گاسترولدٸك ساپارمەن جاپونيياعا ات باسىن بۇرسا, مٸندەتتٸ تٷردە سىيلىقتارىممەن بارامىن.
«استانا وپەرا» تەاترىنىڭ ديرەكتسيياسى, بالەت ترۋپپاسىنىڭ كٶركەمدٸك جەتەكشٸسٸ التىناي اسىلمۇراتوۆا بالەت ەرتٸسٸ ماريكو كيتامۋراعا ٷلكەن زال ساحناسىندا سومداعان بەينەلەر گالەرەياسى ٷشٸن, قاجىرلى دا قايراتتى ەڭبەگٸ مەن جۇمىسقا دەگەن مٸنسٸز قارىم-قاتىناسى ٷشٸن شەكسٸز العىسىن بٸلدٸردٸ. باسشىلىق ەرتٸستٸڭ جاڭا باستامالارىنا سەتتٸلٸك, مىقتى دەنساۋلىق تٸلەپ, تەاتردىڭ ەسٸگٸ ماريكو كيتامۋرا ٷشٸن ەردايىم ايقارا اشىق ەكەنٸن ايتتى.
