بٷگٸن استانادا ونىنشى Astana Media Week فورۋمى باستالدى, دەپ حابارلايدى ult.kz.
ٸس-شارانىڭ العاشقى كٷنٸندە مەديا سالاسىندا جاساندى ينتەللەكتٸنٸ قولدانۋ, جۋرناليستەردٸڭ جاۋاپكەرشٸلٸگٸ جەنە اقپاراتقا دەگەن سەنٸمدٸ ساقتاۋ مەسەلەلەرٸ تالقىلاندى.
ۇزاق جىلدان بەرٸ Astana Media Week مەديا ٶكٸلدەرٸ باس قوسىپ, سالانىڭ ٶزەكتٸ مەسەلەلەرٸن تالقىلايتىن ماڭىزدى الاڭعا اينالدى. بۇل تۋرالى فورۋمدا قر مەدەنيەت جەنە اقپارات بٸرٸنشٸ ۆيتسە-مينيسترٸ قانات ىسقاقوۆ ايتتى.
«Media. Human. AI: 10 جىلدىق ترانسفورماتسييا. سەنٸمنٸڭ جاڭا ارحيتەكتۋراسى» اتتى پلەنارلىق سەسسييادا سٶز سٶيلەگەن بٸرٸنشٸ ۆيتسە-مينيستر تەحنولوگييانىڭ مٷمكٸندٸگٸ ارتقان سايىن ونى قولدانۋداعى جاۋاپكەرشٸلٸك تە كٷشەيە تٷسەتٸنٸن جەتكٸزدٸ.
وسىعان بايلانىستى مەديا سالاسىنداعى سەنٸمدٸ نىعايتۋ ٷشٸن كەلەسٸ باعىتتارعا باسىمدىق بەرۋ قاجەت. ونىڭ ٸشٸندە شىنايى اقپاراتتىڭ ماڭىزىن ارتتىرۋ, جاساندى ينتەللەكت ارقىلى جاڭالىقتاردى تۇتىنۋ داعدىسىنا ىقپالى, جۋرناليستيكانىڭ تەرەڭ تالداۋعا باعىتتالۋى جەنە قازاق تٸلٸندەگٸ ساپالى كونتەنت كٶلەمٸن كٶبەيتۋ بار.
ۆيتسە-مينيستردٸڭ پٸكٸرٸنشە, رەداكتسييالار تسيفرلىق پلاتفورمالاردىڭ جىلدامدىعىنا ٸلەسكەنٸمەن, فاكتچەكينگ پەن كەسٸبي ستاندارتتاردى ساقتاۋى كەرەك. مەملەكەت ساپالى كونتەنتتٸ زاڭنامالىق باستامالار, قارجىلاندىرۋ جەنە گرانتتىق باعدارلامالار ارقىلى قولداۋدى جالعاستىرادى. سونىمەن قاتار دەرەكتەردٸ تەكسەرۋ جەنە مەملەكەتتٸك تٸلدە وتاندىق كونتەنت ٶندٸرۋ جوبالارىنا نازار اۋدارىلادى.
فورۋمدا جاساندى ينتەللەكتٸنٸ قولدانۋ كەزٸندە جۋرناليستەر مەن رەداكتسييالاردىڭ جاۋاپكەرشٸلٸگٸنە دە ەرەكشە مەن بەرٸلدٸ. قانات ىسقاقوۆ الگوريتم مەتٸن جازا العانىمەن, جارييالانعان سٶز ٷشٸن جاۋاپ بەرە المايتىنىن ايتتى. ونىڭ سٶزٸنشە, ماتەريالدىڭ مازمۇنى مەن دۇرىستىعىنا جاۋاپكەرشٸلٸك جۋرناليست پەن رەداكتسيياعا جٷكتەلەدٸ.
وسىعان وراي ول مەديا قاۋىمداستىعىمەن بٸرلەسٸپ, رەداكتسييالاردا جاساندى ينتەللەكتٸنٸ جاۋاپكەرشٸلٸكپەن قولدانۋدىڭ ورتاق قاعيدالارىن ەزٸرلەۋدٸ ۇسىندى. بۇل نورمالار جوعارىدان مٸندەتتەلەتٸن تالاپ ەمەس, جۋرناليستەردٸڭ ٶزدەرٸ قالىپتاستىراتىن كەسٸبي ستاندارت بولۋى كەرەك.
سونداي-اق ۆيتسە-مينيستر نەيروجەلٸلەردٸڭ كٶمەگٸمەن جاسالعان كونتەنتتٸ ارنايى بەلگٸلەۋ مەسەلەسٸن كٶتەردٸ. ونىڭ پٸكٸرٸنشە, وقىرمان, كٶرەرمەن جەنە ٶزگە دە پايدالانۋشىلار ماتەريالدى ەزٸرلەۋ كەزٸندە جاساندى ينتەللەكت قولدانىلعانىن بٸلۋٸ تيٸس. مۇنداي اشىقتىقتى قامتاماسىز ەتۋگە مەديا قاۋىمداستىعى مەن تسيفرلىق پلاتفورمالار بٸردەي جاۋاپتى.
قانات ىسقاقوۆ جالعان اقپارات پەن قولدان جاسالعان ماتەريالداردى اجىراتا بٸلۋ تەك فاكتچەكەرلەردٸڭ مٸندەتٸ ەمەس ەكەنٸن اتاپ ٶتتٸ. بۇل داعدى ەربٸر اقپارات تۇتىنۋشىسى ٷشٸن ماڭىزدى.
«الگوريتم مەتٸن جازا الادى, بٸراق سٶز ٷشٸن جاۋاپ بەرە المايدى. جاۋاپكەرشٸلٸك ەردايىم جۋرناليست پەن رەداكتوردىڭ موينىندا قالادى. سوندىقتان مەديا قاۋىمداستىقپەن بٸرگە رەداكتسييالار دا جاساندى ينتەللەكتتٸ جاۋاپكەرشٸلٸكپەن پايدالانۋدىڭ ورتاق قاعيداتتارىن ەزٸرلەۋدٸ ۇسىنامىز. ەڭ الدىمەن, بۇل – اۋديتوريياعا اشىقتىق تانىتۋ جەنە جاساندى ينتەللەكتتٸڭ قاتىسۋىمەن جاسالعان دٷنيەنٸڭ بەرٸن ادامنىڭ مٸندەتتٸ تٷردە تەكسەرۋٸ», – دەدٸ بٸرٸنشٸ ۆيتسە-مينيستر.
ايتا كەتەيٸك, 14-16 قازان ارالىعىندا بەيبٸتشٸلٸك جەنە كەلٸسٸم سارايىندا ٶتٸپ جاتقان فورۋم بيىل «قازاقستاننىڭ بولاشاق مەديا كەڭٸستٸگٸنٸڭ بٸرىڭعاي پلاتفورماسى» تاقىرىبىمەن ۇيىمداستىرىلدى.
