وقۋ-اعارتۋ مينيسترلٸگٸ 2026–2027 وقۋ جىلىنا ارنالعان وقۋلىقتار مەن وقۋ-ەدٸستەمەلٸك كەشەندەردٸڭ تٸزبەسٸن بەكٸتۋ جەنە بٸلٸم بەرۋ ۇيىمدارىن وقۋلىقتارمەن قامتاماسىز ەتۋ جۇمىستارىن جالعاستىرىپ جاتىر, دەپ حابارلايدى ult.kz.
مينيسترلٸكتٸڭ مەلٸمەتٸنشە, مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس بارلىق وقۋلىقتارعا قوسىمشا ساراپتاما جٷرگٸزٸلگەن. بۇل جۇمىستار وقۋلىقتاردىڭ ساپاسىن ارتتىرۋ ماقساتىندا قولعا الىنعان جەنە ٷكٸمەتتٸڭ ەرەكشە باقىلاۋىندا.
بۇعان دەيٸن پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا قوسىمشا تەكسەرۋ بارىسىندا مەكتەپ وقۋلىقتارىنان 700-دەن استام ەسكەرتۋ مەن قاتەلٸك انىقتالعانىن مەلٸمدەگەن بولاتىن. وسىعان بايلانىستى وقۋلىقتاردى بەكٸتپەس بۇرىن ولاردى تولىقتىرۋ جەنە جەتٸلدٸرۋ تۋرالى شەشٸم قابىلداندى.
قازٸر باسپالار مەن ساراپشىلار انىقتالعان كەمشٸلٸكتەردٸ تٷزەتۋ جۇمىستارىن جٷرگٸزٸپ جاتىر. مينيسترلٸك قوسىمشا ۋاقىت وقۋلىقتاردىڭ ساپاسىن تولىق قامتاماسىز ەتۋ ٷشٸن قاجەت ەكەنٸن اتاپ ٶتتٸ.
سونىمەن قاتار جاڭا وقۋ جىلىنا دايىندىق اياسىندا وقۋلىقتاردى ساتىپ الۋ جۇمىستارى جوسپارلى تٷردە جالعاسۋدا. 2026 جىلعى 30 تامىزعا دەيٸن 3-سىنىپقا ارنالعان «قازاق تٸلٸ», «ورىس تٸلٸ», «ماتەماتيكا», «دٷنيەتانۋ», «ەدەبيەتتٸك وقۋ», «مۋزىكا» پەندەرٸنٸڭ, سونداي-اق 7-سىنىپقا ارنالعان «دٷنيەجٷزٸ تاريحى» وقۋلىقتارىنىڭ جەتكٸزٸلۋٸ جوسپارلانعان.
وقۋلىقتاردى ٸرٸكتەۋ Etandau.gov.kz ەلەكتروندىق پلاتفورماسى ارقىلى جٷرگٸزٸلگەن. ونىڭ نەتيجەسٸندە جەرگٸلٸكتٸ اتقارۋشى ورگاندار قاجەتتٸ ٶتٸنٸمدەردٸ قالىپتاستىرىپ, باسپالارعا جولداعان. سونداي-اق ٶڭٸرلەردە وقۋشىلار سانىنىڭ ارتۋى مەن كٸتاپحانا قورىن جاڭارتۋ قاجەتتٸلٸگٸنە بايلانىستى قوسىمشا ساتىپ الۋ جۇمىستارى دا جٷرگٸزٸلۋدە.
مينيسترلٸك مەلٸمەتٸنشە, وقۋلىقتاردى جاڭارتۋ كەزەڭ-كەزەڭٸمەن جالعاسادى. 2027 جىلعى 1 قاڭتارعا دەيٸن 4 جەنە 9-سىنىپتاردىڭ, ال 2027 جىلعى 1 سەۋٸرگە دەيٸن 8-سىنىپتىڭ وقۋلىقتارىن جاڭارتۋ جوسپارلانعان.
ۆەدومستۆو وقۋشىلاردى جاڭا وقۋ جىلىنا ساپالى ەرٸ زاماناۋي وقۋلىقتارمەن ۋاقىتىلى قامتاماسىز ەتۋ ٷشٸن بارلىق قاجەتتٸ جۇمىستار جالعاسىپ جاتقانىن مەلٸمدەدٸ.
