قازاقستاندا ەكٸنشٸ بۋىنداعى جاڭا Li Auto L9 رەسمي تٷردە تانىستىرىلدى. قىتايلىق پرەميۋم كروسسوۆەردٸڭ ەكسپورتتىق نۇسقاسى ەلٸمٸزدەگٸ ديلەرلٸك ورتالىقتارعا جەتكٸزٸلدٸ. اۆتوموبيلدٸڭ قازاقستانداعى باعاسى كومپلەكتاتسيياسىنا قاراي 44 ملن تەڭگەدەن 51,9 ملن تەڭگەگە دەيٸن جەتەدٸ, دەپ حابارلايدى ult.kz.
Kolesa.kz جازۋىنشا, جاڭا مودەل العاش رەت كٶكتەمدە بەيجٸڭ حالىقارالىق اۆتوسالونىندا كٶرسەتٸلگەن. ال جاز ورتاسىندا Li Auto L9 قازاقستانعا كەلدٸ. بۇل – قىتايلىق برەند تاريحىنداعى العاشقى شەتەلدٸك پرەمەرالاردىڭ بٸرٸ.
قازاقستانعا ەكسپورتتىق Li Auto L9 ەكەلٸندٸ
قازاقستان نارىعىنا جەتكٸزٸلگەن Li Auto L9 قىتايدىڭ ٸشكٸ نارىعىنا ارنالعان نۇسقادان ەرەكشەلەنەدٸ. كروسسوۆەر ەۋروپا ستاندارتىنا سەيكەس كەلەتٸن CCS2 قۋاتتاۋ پورتىمەن جابدىقتالعان.
ەكسپورتتىق مودەل يەلەرٸ ارنايى ماستەر-اككاۋنت اشىپ, Li Auto موبيلدٸ قوسىمشاسىنىڭ بارلىق مٷمكٸندٸگٸن پايدالانا الادى. قوسىمشا ارقىلى كٶلٸكتٸڭ كەيبٸر فۋنكتسيياسىن قاشىقتان باسقارۋعا مٷمكٸندٸك بەرٸلەدٸ.
سونىمەن قاتار Li Auto L9 قازاقستاندا زاۋىتتان "ياندەكس" سەرۆيستەرٸ ورناتىلعان العاشقى اۆتوموبيلدەردٸڭ بٸرٸ بولماق. جٷرگٸزۋشٸلەرگە جانارماي بەكەتتەرٸ كٶرسەتٸلەتٸن ناۆيگاتسييا, مۋزىكا, بەينەكونتەنت جەنە "كينوپويسك" سەرۆيسٸ قولجەتٸمدٸ بولادى.
كروسسوۆەردٸڭ مۋلتيمەدييالىق جٷيەسٸ ينتەرنەت ارقىلى سىمسىز جاڭارتىلادى.
جاڭا Li Auto L9 كٶلەمٸ ۇلعايدى
ەكٸنشٸ بۋىنداعى Li Auto L9 بۇرىنعى مودەلدەن ٸرٸلەنە تٷسكەن. كٶلٸكتٸڭ ۇزىندىعى 37 ميلليمەترگە ارتىپ, 5255 ميلليمەترگە جەتتٸ.
دٶڭگەلەك بازاسى 20 ميلليمەترگە ۇزارىپ, 3125 ميلليمەتر بولدى. سونىمەن قاتار اۆتوموبيلدٸڭ ەنٸ 2 ميلليمەترگە, بيٸكتٸگٸ 10 ميلليمەترگە ارتقان.
جاڭا L9 التى ادامعا ارنالعان كەڭ سالونمەن جابدىقتالعان. الدىڭعى پانەلدە 29 ديۋيمدٸك ەكران ورنالاسقان. بۇرىن رٶل ٷستٸندە بولعان شاعىن اسپاپتار پانەلٸ الىنىپ تاستالىپ, نەگٸزگٸ اقپارات پروەكتسييالىق ديسپلەي ارقىلى كٶرسەتٸلەدٸ.
ەسٸك كارتاسىنداعى دەستٷرلٸ تۇتقانىڭ ورنىن باتىرما باسقان. قوسىمشا وپتسييا رەتٸندە ەسٸكتٸ ەلەكتر جەتەگٸ ارقىلى اشۋعا بولادى.
Li Auto L9 سالونىندا قانداي مٷمكٸندٸكتەر بار?
جاڭا Li Auto L9-دىڭ بازالىق جابدىقتالۋىنىڭ ٶزٸ جوعارى دەڭگەيدەگٸ جايلىلىقتى ۇسىنادى.
بٸرٸنشٸ جەنە ەكٸنشٸ قاتارداعى ورىندىقتاردا:
- جىلىتۋ;
- جەلدەتۋ;
- ماسساج فۋنكتسيياسى قاراستىرىلعان.
اۆتوموبيلدە جٷرگٸزۋشٸ مەن جولاۋشىلارعا ارنالعان جەتٸ ايماقتى كليمات-باقىلاۋ جٷيەسٸ بار. ول اياق پەن دەنەگە باعىتتالاتىن اۋا تەمپەراتۋراسىن بٶلەك رەتتەۋگە مٷمكٸندٸك بەرەدٸ.
سونداي-اق كروسسوۆەرگە ەسٸك كارتاسى مەن شىنتاق تٸرەۋٸشتەرٸن جىلىتۋ, پانورامالى شاتىر مەن ارتقى ەينەكتەردٸ كٷڭگٸرتتەيتٸن ەلەكتروفوتوحرومدى جٷيە ورناتىلعان.
سالوندا بەلسەندٸ شۋ باسۋ جٷيەسٸ, 33 ديناميكتەن تۇراتىن اۋديوجٷيە جەنە ارتقى قاتارداعى جولاۋشىلارعا ارنالعان 21,1 ديۋيمدٸك ەكران بار.
Li Auto L9 قوزعالتقىشىنىڭ قۋاتى قانداي?
Li Auto L9 – تٸزبەكتٸ گيبريد. كٶلٸكتەگٸ 1,5 ليترلٸك بەنزين قوزعالتقىشى دٶڭگەلەكتەردٸ تٸكەلەي اينالدىرمايدى, ول ەلەكتر ەنەرگيياسىن ٶندٸرەتٸن گەنەراتور رەتٸندە جۇمىس ٸستەيدٸ.
كروسسوۆەر ەكٸ ەلەكتر قوزعالتقىشىمەن جابدىقتالعان. كٷشتٸك قوندىرعىنىڭ جالپى قۋاتى 571 ات كٷشٸنە, ال اينالۋ مومەنتٸ 710 نم-گە تەڭ.
اۆتوموبيلگە سىيىمدىلىعى 72,7 كۆت·ساع بولاتىن NMC اككۋمۋلياتورى ورناتىلعان.
Li Auto L9 تەك ەلەكتر قۋاتىمەن:
- CLTC تسيكلٸ بويىنشا 420 شاقىرىم;
- WLTC ستاندارتى بويىنشا 340 شاقىرىم جٷرە الادى.
- ال ەكسپورتتىق نۇسقانىڭ تولىق جٷرٸس قورى 1370 شاقىرىمعا دەيٸن جەتەدٸ.
جاڭا كروسسوۆەردٸڭ اسپاسى جاڭارتىلدى
Li Auto L9-دىڭ الدىڭعى بٶلٸگٸ قوس كٶلدەنەڭ يٸنتٸرەكتٸ اسپامەن, ال ارتقى بٶلٸگٸ كٶپ يٸنتٸرەكتٸ اسپامەن جابدىقتالعان. كروسسوۆەردە ەكٸ كامەرالى پنەۆماتيكالىق باللوندار جەنە 800 ۆولتتىق جٷيەدەن قۋات الاتىن گيدراۆليكالىق تٸرەكتەر قولدانىلادى.
بۇل تەحنولوگييا ەر دٶڭگەلەكتٸڭ جەكە جۇمىس ٸستەۋٸنە مٷمكٸندٸك بەرٸپ, بۇرىلىستا جەنە ناشار جولدا شاناقتىڭ شايقالۋىن ازايتادى.
اۆتوموبيلدٸڭ ارتقى دٶڭگەلەكتەرٸ 7 گرادۋسقا دەيٸن بۇرىلا الادى. سونىڭ ارقاسىندا ٸرٸ كروسسوۆەردٸڭ بۇرىلۋ راديۋسى 5,3 مەترگە دەيٸن قىسقارعان. رٶل مەن دٶڭگەلەكتەر اراسىندا دەستٷرلٸ مەحانيكالىق بايلانىس جوق. جٷرگٸزۋشٸ رٶلدٸڭ اينالىم سانىن ەلەكتروندى تٷردە رەتتەي الادى.
Li Auto L9 قازاقستاندا قانشا تۇرادى?
قازاقستانداعى رەسمي اۆتوسالونداردا جاڭا Li Auto L9 ەكٸ كومپلەكتاتسييادا ۇسىنىلادى:
- Li Auto L9 Ultra – 44 ملن تەڭگەدەن باستالادى;
- Li Auto L9 Livis – 51,9 ملن تەڭگەدەن باستالادى.
Livis نۇسقاسىنىڭ شاناعى ەكٸ تٷسكە بويالادى جەنە جابدىقتالۋ دەڭگەيٸ جوعارى.
15 قىركٷيەككە دەيٸن الدىن الا تاپسىرىس بەرگەن العاشقى ساتىپ الۋشىلارعا 1 ملن تەڭگە جەڭٸلدٸك ۇسىنىلادى.
جاڭا Li Auto L9 قازاقستانداعى اۆتوسالوندارعا تامىز ايىندا جەتكٸزٸلەدٸ. سالىستىرۋ ٷشٸن, الدىڭعى بۋىنداعى Li Auto L9 ەلٸمٸزدە شامامەن 41,1 ملن تەڭگە تۇرادى.
