ٷندٸستاندا داۋلات گيري دجي ماحارادج ەسٸمدٸ ەر ادام شيۆا قۇدايىنا بەرگەن سەرتٸنە ادال بولىپ, بەس جىلدان بەرٸ بٸر سەتكە دە وتىرماي, تٸك تۇرعان كٷيدە ٶمٸر سٷرٸپ كەلەدٸ, دەپ حابارلايدى ult.kz.
ول يندۋيزمدەگٸ ەڭ اۋىر رۋحاني تەجٸريبەلەردٸڭ بٸرٸ سانالاتىن «كحادا تاپاسيا» اسكەزاسىن ورىنداۋدا. بۇل سەرت بويىنشا ەر ادام 12 جىل بويى اياقتارىن بٷكپەي, ٷنەمٸ تٸك تۇرۋى تيٸس. ونىڭ ايتۋىنشا, ۇيىقتاۋ مەن تاماقتانۋدى دا ارنايى اعاش تٸرەككە سٷيەنٸپ, تٸك تۇرعان كٷيدە جٷزەگە اسىرادى.
داۋلات گيري دجي ماحارادج بۇل سىناق اياقتالعان سوڭ ەرەكشە رۋحاني كٷشكە يە بولىپ, شيۆا قۇدايىنىڭ قۇدٸرەتٸن سەزٸنە الاتىنىنا سەنەدٸ.
الايدا دەرٸگەرلەر ونىڭ دەنساۋلىعىنا قاتىستى الاڭداۋشىلىق بٸلدٸرۋدە. ماماندار ۇزاق ۋاقىت بويى قوزعالىسسىز تٸك تۇرۋدىڭ سالدارىنان اياقتارىنداعى قان اينالىمى بۇزىلىپ, ترومبوز بەلگٸلەرٸ پايدا بولعانىن ايتادى. سونداي-اق اياقتارىنىڭ قارايا باستاعانى حابارلانعان.
دەرٸگەرلەردٸڭ پٸكٸرٸنشە, ەگەر بۇل جاعداي جالعاسا بەرسە, ەر ادام رۋحاني ماقساتىنا جەتكەنگە دەيٸن اياقتارىنان ايىرىلىپ قالۋ قاۋپٸنە تاپ بولۋى مٷمكٸن.
