Úndistanda Daýlat Giri Dji Maharadj esimdi er adam Shiva qudaiyna bergen sertine adal bolyp, bes jyldan beri bir sátke de otyrmai, tik turǵan kúide ómir súrip keledi, dep habarlaidy ult.kz.
Ol indýizmdegi eń aýyr rýhani tájiribelerdiń biri sanalatyn «khada tapasia» askezasyn oryndaýda. Bul sert boiynsha er adam 12 jyl boiy aiaqtaryn búkpei, únemi tik turýy tiis. Onyń aitýynsha, uiyqtaý men tamaqtanýdy da arnaiy aǵash tirekke súienip, tik turǵan kúide júzege asyrady.
Daýlat Giri Dji Maharadj bul synaq aiaqtalǵan soń erekshe rýhani kúshke ie bolyp, Shiva qudaiynyń qudiretin sezine alatynyna senedi.
Alaida dárigerler onyń densaýlyǵyna qatysty alańdaýshylyq bildirýde. Mamandar uzaq ýaqyt boiy qozǵalyssyz tik turýdyń saldarynan aiaqtaryndaǵy qan ainalymy buzylyp, tromboz belgileri paida bolǵanyn aitady. Sondai-aq aiaqtarynyń qaraia bastaǵany habarlanǵan.
Dárigerlerdiń pikirinshe, eger bul jaǵdai jalǵasa berse, er adam rýhani maqsatyna jetkenge deiin aiaqtarynan aiyrylyp qalý qaýpine tap bolýy múmkin.
