15 سەۋٸردە قازاقستاندا كوروناۆيرۋس تەستٸ وڭ شىققان تاعى 2656 ادام انىقتالعان. 71 ادامعا كوروناۆيرۋس پنەۆمونيياسى دياگنوزى قويىلعان. 28 ادام ٶلٸمٸ تٸركەلگەن: 27 ادام – كوروناۆيرۋستان, 1 ادام كوروناۆيرۋس پنەۆمونيياسىنان قايتىس بولدى دەپ ايتىلادى. دەنساۋلىق ساقتاۋ مينيسترلٸگٸ كوروناۆيرۋس پنەۆمونيياسى مەن ادام ٶلٸمٸ بويىنشا ەكٸ كٷن بۇرىنعى مەلٸمەتتٸ جارييالاپ كەلەدٸ.
بەيسەنبٸ كٷنٸ الماتى قالاسىندا 673 ادامنان كوروناۆيرۋس انىقتالعان. نۇر-سۇلتاندا 601 ناۋقاس تٸركەلگەن. شىعىس قازاقستان وبلىسىندا – 106, پاۆلودار وبلىسىندا – 43, اتىراۋ وبلىسىندا – 117, قاراعاندى وبلىسىندا – 201, اقمولا وبلىسىندا – 90, باتىس قازاقستان وبلىسىندا – 112, الماتى وبلىسىندا – 232, قوستاناي وبلىسىندا – 28, سولتٷستٸك قازاقستان وبلىسىندا – 42, شىمكەنت قالاسىندا – 119, جامبىل وبلىسىندا – 40, اقتٶبە وبلىسىندا – 120, تٷركٸستان وبلىسىندا – 22, ماڭعىستاۋ وبلىسىندا – 35, قىزىلوردا وبلىسىندا 75 ناۋقاس انىقتالعان.
2020 جىلدىڭ ناۋرىز ايىنان بەرٸ ەلدە 281 351 ادامنىڭ كوروناۆيرۋس تەستٸ وڭ شىققان. سودان بەرٸ 3333 ادام قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن مىڭعا جۋىق ادام ٶلٸمٸ ەنبەگەن.
قازاقستان ٷكٸمەتٸ بىلتىر تامىزدان بەرٸ ۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. سودان بەرٸ ەلدە بارلىعى 51 695 ادام پنەۆمونييانىڭ وسى تٷرٸمەن تٸركەلگەن. ونىڭ 742-ٸ قايتىس بولعان. بۇل دەرەك كوروناۆيرۋستىڭ رەسمي ستاتيستيكاسىنان بٶلەك جٷرگٸزٸلەدٸ. بٸراق حالىقارالىق ۇيىمدار قازاقستاننىڭ بۇل ەكٸ دەرەگٸن بٸرٸكتٸرٸپ كٶرسەتٸپ وتىر.
قازٸر 36 868 ادام كوروناۆيرۋستان ەمدەلٸپ جاتىر. 36 مىڭنان استامىنىڭ كوروناۆيرۋس تەستٸ وڭ شىققان. 616 ادامنىڭ جاعدايى اۋىر, 168 ناۋقاستىڭ حالٸ ٶتە اۋىر. 118 ادام جاساندى تىنىس اپپاراتىنا قوسىلعان.
قازاقستاندا 1 اقپاننان باستاپ حالىققا كوروناۆيرۋسقا قارسى ەكپە سالىنا باستاعان. ۆاكتسينا بٸرٸنشٸ كەزەكتە دەرٸگەرلەرگە سالىندى. 16 سەۋٸردەگٸ مەلٸمەت بويىنشا, ەلدە 575 مىڭ ادام "سپۋتنيك V" ەكپەسٸنٸڭ بٸرٸنشٸ دوزاسىن العان. 112 مىڭ ادامعا ەكٸ دوزاسى سالىنعان. كوروناۆيرۋسقا قارسى ٶزگە ۆاكتسينالار سەكٸلدٸ "سپۋتنيك V" ەكپەسٸ دە ەكٸ دوزادان تۇرادى. ەكٸنشٸسٸ بٸرٸنشٸسٸنەن كەيٸن 21 كٷن ٶتكەندە سالىنادى.
