قازاقستاندا اگروٶنەركەسٸپتٸك كەشەندٸ قولداۋعا بٶلٸنگەن 2,6 ميلليارد تەڭگەدەن استام بيۋدجەت قاراجاتىن جىمقىرۋ دەرەگٸ بويىنشا تەرگەۋ اياقتالدى. ٸس ماتەريالدارى سوتقا جولداندى, دەپ حابارلايدى ult.kz.
تەرگەۋ مەلٸمەتٸنشە, قىلمىستىق سحەمانى الماتى وبلىسى قاراساي اۋداندىق مەسليحاتىنىڭ بۇرىنعى دەپۋتاتى ۇيىمداستىرعان. ول اۋىل شارۋاشىلىعى سالاسىنداعى تەجٸريبەسٸ مەن مەملەكەتتٸك سۋبسيدييالاۋ تەتٸكتەرٸن پايدالانىپ, بيۋدجەت قارجىسىن زاڭسىز الۋ جٷيەسٸن قۇرعان.
قما مەلٸمەتٸنشە, سحەماعا ۇيىمداستىرۋشىعا قاراستى كەسٸپورىندار مەن الماتى, جامبىل جەنە تٷركٸستان وبلىستارىندا تٸركەلگەن 29 شارۋا قوجالىعى تارتىلعان. ولار ٶنەركەسٸپتٸك تاڭقۋراي القاپتارىن وتىرعىزۋعا ارنالعان ەليتالىق كٶشەتتەردٸ ساتىپ العانى تۋرالى جالعان قۇجاتتاردى ۋەكٸلەتتٸ ورگاندارعا تاپسىرعان.
تەرگەۋ بارىسىندا جالعان ساتىپ الۋ-ساتۋ شارتتارى, قابىلداۋ-تاپسىرۋ اكتٸلەرٸ, ەلەكتروندىق شوت-فاكتۋرالار جەنە وتىرعىزۋ ماتەريالىن ٶندٸرۋشٸلەردٸ اتتەستاتتاۋ قۇجاتتارى رەسٸمدەلگەنٸ انىقتالدى. الايدا كٶرسەتٸلگەن كٶلەمدەگٸ كٶشەتتەر ٸس جٷزٸندە جەتكٸزٸلمەگەن, ال كەيبٸر شارۋاشىلىقتاردىڭ ٶنەركەسٸپتٸك كٶلەمدە تاڭقۋراي ٶسٸرۋگە مٷمكٸندٸگٸ بولماعان.
وسىنىڭ سالدارىنان مەملەكەتتەن 2,6 ميلليارد تەڭگەدەن استام سۋبسيدييا زاڭسىز الىنعان.
تەرگەۋ دەرەگٸنە سەيكەس, زاڭسىز الىنعان قاراجاتتىڭ 491 ميلليون تەڭگەسٸ قور نارىعىنداعى وپەراتسييالارعا باعىتتالعان. ول ٷشٸن كٷدٸكتٸنٸڭ جۇبايىنىڭ اتىنا بروكەرلٸك شوت اشىلىپ, قازاقستاندىق جەنە شەتەلدٸك كومپانييالاردىڭ باعالى قاعازدارى ساتىپ الىنعان.
بۇدان بٶلەك, 400 ميلليون تەڭگە ۋاقىتشا قارجىلاي كٶمەك كٶرسەتۋ سىلتاۋىمەن iSolutions Capital ميكروقارجى ۇيىمىنا اۋدارىلىپ, كەيٸن كەزەڭ-كەزەڭٸمەن قولما-قول اقشاعا اينالدىرىلعان.
سونداي-اق كٷدٸكتٸ ۇرلانعان قاراجاتتىڭ 170 ميلليون تەڭگەسٸن قوناەۆ قالاسىنداعى كازينودا قۇمار ويىندارعا جۇمساعانى انىقتالعان.
سوت سانكتسيياسىمەن كٷدٸكتٸلەردٸڭ تٶرت پەتەرٸنە, ٷش اۆتوكٶلٸگٸنە, جەكە تۇرعىن ٷيٸنە جەنە باعالى قاعازدارىنا تىيىم سالىندى. ٷش كٷدٸكتٸ قاماۋعا الىنىپ, قىلمىستىق ٸس سوتقا جٸبەرٸلدٸ.
ەسكە سالايىق, بۇعان دەيٸن بۇل ٸس بويىنشا قاراساي اۋداندىق مەسليحاتىنىڭ بۇرىنعى دەپۋتاتى بەكەت ەبٸشەۆ پەن ٶزگە دە تۇلعالاردىڭ كٷدٸككە ٸلٸنگەنٸ حابارلانعان بولاتىن. تەرگەۋ بارىسىندا اۋىل شارۋاشىلىعى مينيسترلٸگٸ دەپارتامەنتتەرٸنٸڭ بۇرىنعى ديرەكتورلارىنىڭ بٸرٸنٸڭ دە 2018–2022 جىلدارى جامبىل جەنە تٷركٸستان وبلىستارىندا سۋبسيدييا الۋ كەزٸندەگٸ الاياقتىق سحەماعا قاتىسى بولعانى انىقتالعان.
