سۋرەت: YouTube/حابار NEWS
قازاق ەن ٶنەرٸنٸڭ كورولٸ شەمشٸ قالداياقوۆتىڭ كەلٸنٸ بوتاگٶز قالداياقوۆا ورتالىق كوممۋنيكاتسييالار قىزمەتٸندە ٶتكەن بريفينگتە زيياتكەرلٸك مەنشٸك تاقىرىبىنا توقتالدى. ول كومپوزيتوردىڭ جازىپ كەتكەن حيت ەندەرٸ ٷشٸن وتباسىنا از اقشا تٶلەنەتٸنٸن مەلٸمدەدٸ, دەپ حابارلايدى "ۇلت اقپارات" KAZ.NUR.KZ سايتىنا سٸلتەمە جاساپ.
"ەدٸلەت مينيسترلٸگٸنە قازاقستاندىق اۆتورلىق قۇقىق قوعامىنىڭ قىزمەتٸنە تەكسەرۋ جٷرگٸزۋ قاجەت, ٶيتكەنٸ بٸز وسى مۇراگەرلەرٸمٸز (قالداياقوۆتىڭ ەندەرٸنە اۆتورلىق قۇقىق – رەد. ەسكەرتپەسٸ), اتالعان قوعام مٷشەسٸمٸز, بٸراق بٸز قۇقىقتى شەكتەپ جاتقانىنا نارازىلىق بٸلدٸرەمٸز. 2019 جىلعا دەيٸن جاعداي سەل دە بولسا دۇرىس بولىپ ەدٸ, تٶلەمدەر الدىق. 2019 جىلدان كەيٸن تٶلەمدەر توقتاتىلدى. شەمشٸ قالداياقوۆتىڭ شىعارمالارىن پايدالانعانى ٷشٸن بٸر توقسانعا كەشە 22 مىڭ تەڭگە الدىق. بۇل ەنۇراننان بٶلەك, اۆتوردىڭ 55 ەنٸ ٷشٸن بەرٸلگەن قاراجات. ٶيتكەنٸ قازٸر ەنۇران مەملەكەت مەنشٸگٸ بولىپ تابىلادى", - دەدٸ بوتاگٶز قالداياقوۆا.
ول كٶپتەگەن ٸس-شارانى ۇيىمداستىراتىن قالداياقوۆ قورىنىڭ ديرەكتورى ەكەنٸن جەنە ولارعا ٷنەمٸ قاراجات ٸزدەۋ كەرەگٸن ايتتى.
"مەن قوردىڭ ديرەكتورى رەتٸندە دەمەۋشٸلەردەن سۇراۋدان شارشادىم, ٶيتكەنٸ بٸز ٷلكەن سومانى شەمشٸ قالداياقوۆتىڭ ەسٸمٸ ٷشٸن قازاقستان اۆتورلار قوعامى جينايتىنىن بٸلەمٸن", - دەدٸ بوتاگٶز قالداياقوۆا.
مىسال رەتٸندە ول قايرات نۇرتاستىڭ ەندەرٸنٸڭ اۆتورىنا تٶلەنگەن تٶلەمدەردٸ كەلتٸردٸ. ونىڭ ايتۋىنشا, اۆتور مەتٸنٸ ٷشٸن 1 ميلليون تەڭگەدەن الادى. بوتاگٶز قالداياقوۆا بارلىق تانىمال اۆتور مۇنداي سىياقى الۋى كەرەك دەپ ەسەپتەيدٸ. سوڭعى بٸر جىلدا قازاقستانداعى اۆتورلىق قۇقىق يەلەرٸ 500 ميلليون تەڭگەدەن استام شىعىنعا ۇشىراعان. بۇل تۋرالى ەدٸلەت مينيسترلٸگٸ زيياتكەرلٸك مەنشٸك دەپارتامەنتٸنٸڭ ديرەكتورى شولپان ەبدٸرەەۆا ايتتى.
"2023 جىلى ۇجىمدىق باسقارۋ ۇيىمدارى 1 ملرد 550 ملن 346 مىڭ 423 تەڭگە جيناعان. اۆتورلارعا 439 ميلليون 192 مىڭ تەڭگە بەرٸلگەن, كٶرٸپ وتىرعانداي, سومانىڭ جارتىسىنان استامى تٶلەنبەگەن. سەيكەسٸنشە, سۇراق تۋىندايدى: بۇل اقشا قايدا?" - دەدٸ سپيكەر.
ەدٸلەت ۆيتسە-مينيسترٸ بوتاگٶز جاقسىلەكوۆانىڭ ايتۋىنشا, ۆەدومستۆو بار ارىز بويىنشا تەكسەرۋگە كٸرٸسەدٸ. ماقسات – قاراجاتتى اشىق بٶلۋ, ٶيتكەنٸ اۆتورلار جينالعان قاراجاتتىڭ 70 پايىزىن الۋى كەرەك.
