سولتٷستٸك قازاقستان وبلىسىندا ينتەرنەت-الاياقتارعا بانك شوتتارىن تاۋىپ بەرٸپ, قىلمىستىق سحەماعا كٶمەكتەسكەن بەس ادامعا سوت ٷكٸمٸ شىقتى, دەپ حابارلايدى ult.kz.
Polisia.kz مەلٸمەتٸنشە, جاسى 20 مەن 25 ارالىعىنداعى كٷدٸكتٸلەر ٶتكەن جىلدىڭ شٸلدە ايىندا ۇستالعان. تەرگەۋ بارىسىندا ولاردىڭ ينتەرنەت-الاياقتىقتىڭ 31 ەپيزودىنا قاتىسى بارى انىقتالدى.
تەرگەۋ دەرەكتەرٸنە سەيكەس, شەتەلدە وتىرعان الاياقتار قازاقستاندىقتارعا ۇيالى بايلانىس وپەراتورلارىنىڭ, بانك قىزمەتكەرلەرٸنٸڭ جەنە تٷرلٸ ۇيىمداردىڭ اتىنان حابارلاسقان. ولار ازاماتتاردى SMS ارقىلى كەلگەن كودتاردى ايتۋعا كٶندٸرٸپ, كەيٸن قارجىلارىنا قاۋٸپ تٶنٸپ تۇرعانىنا سەندٸرگەن.
ودان ەرٸ جەبٸرلەنۋشٸلەردٸڭ اتىنا ٸرٸ كٶلەمدە نەسيە رەسٸمدەلٸپ, قاراجات «قاۋٸپسٸز شوتتارعا» اۋدارىلعان. الايدا بۇل شوتتار ارنايى تارتىلعان دروپتاردىڭ اتىنا رەسٸمدەلگەن بولىپ شىققان. كەيٸن اقشا سول شوتتار ارقىلى شەتەلگە شىعارىلىپ وتىرعان.
تەرگەۋ مەلٸمەتٸنشە, سوتتالعان بەس ادام دەل وسى دروپتاردى تاۋىپ, ولاردى قىلمىستىق سحەماعا تارتۋمەن اينالىسقان. ەربٸر قارجىلىق وپەراتسييادان بەلگٸلٸ بٸر پايىز الىپ وتىرعان.
سوت ولاردى الاياقتىققا جەردەمدەستٸ دەپ تانىپ, 2 جىلدان 6 جىل 8 ايعا دەيٸنگٸ مەرزٸمگە باس بوستاندىعىنان ايىردى.
سونىمەن قاتار جەبٸرلەنۋشٸلەردٸڭ ازاماتتىق تالاپتارىنىڭ بٸر بٶلٸگٸ قاناعاتتاندىرىلدى. سوتتالعاندار بٸرنەشە ەپيزود بويىنشا كەلتٸرٸلگەن ماتەريالدىق شىعىندى ٶتەۋگە مٸندەتتەلدٸ. ٸستەردٸڭ بٸرٸندە كەلتٸرٸلگەن زالال كٶلەمٸ 22 ميلليون تەڭگەدەن اسقان.
قالعان تالاپتار ازاماتتىق سوت ٸسٸن جٷرگٸزۋ تەرتٸبٸمەن قارالۋى مٷمكٸن. ەزٸرگە سوت ٷكٸمٸ زاڭدى كٷشٸنە ەنگەن جوق.
