2030 جىلعا دەيٸنگٸ تۇجىرىمداما بويىنشا زەينەتاقى جٷيەسٸن قانداي ٶزگەرٸستەر كٷتٸپ تۇر? سەناتورلاردىڭ بۇل سۇراعىنا ٷكٸمەت باسشىسى اسقار مامين رەسمي تٷردە جاۋاپ بەردٸ, دەپ حابارلايدى "ۇلت اقپارات".
ايتا كەتسەك بۇعان دەيٸن سەناتورلار ٷكٸمەت باسشىسىنا دەپۋتاتتىق ساۋال جولداپ, 2030 جىلعا دەيٸن زەينەتاقى جٷيەسٸن جاڭعىرتۋ تۇجىرىمداسىنىڭ جوباسىن سىنعا العان ەدٸ. ولاردىڭ ايتۋىنشا اتى دارداي بولسا دا, بۇل تۇجىرىمدامادا ەشقانداي جاڭالىق جوق. ەسەسٸنە, بۇعان دەيٸن بەرٸلٸپ كەلگەن بازالىق زەينەتاقى تٶلەمٸن, ەڭ تٶمەنگٸ زەينەتاقى مەن جيناقتالعان زەينەتاقىنىڭ ساقتالۋىن قامتاماسىز ەتەتٸن مەملەكەتتٸك كەپٸلدەمەنٸ بٸرٸكتٸرٸپ, بٸر عانا كەپٸلدەندٸرٸلگەن تٶمەنگٸ زەينەتاقى دەگەن ۇعىم ەنگٸزٸلگەلٸ وتىر. بۇل جەردە دە اۋىلداعى زەينەتكەرلەر سول ەڭ تٶمەنگٸ زەينەتاقىعا تەۋەلدٸ بولايىن دەپ تۇر. بۇل ساۋالعا جاۋاپ بەرگەن ٷكٸمەت باسشىسى بٷگٸنگٸ تاڭدا جيناقتاۋشى زەينەتاقى جٷيەسٸنە قاتىسۋشىلاردىڭ سانى 11,2 ملن ادام ەكەنٸن, ونىڭ ٸشٸندە اۋىل ازاماتتارى 4,7 ملن ادام ەكەنٸن حابارلايدى. بٸرىڭعاي جيناقتاۋشى زەينەتاقى قورىنداعى زەينەتاقى جيناقتارىنىڭ سوماسى 12,2 تلرن تەڭگەگە جەتكەن. ونىڭ 3,6 ترلن تەڭگەسٸ اۋىلداعى حالىققا تيەسٸلٸ. زەينەتاقى تٶلەمٸنٸڭ ورتاشا مٶلشەرٸ رەسپۋبليكا بويىنشا 121 282 تەڭگەنٸ (بازالىق – 29 520 تەڭگە, ىنتىماقتى – 64 538 تەڭگە, جيناقتاۋشى – 27 224 تەڭگە), ال اۋىل تۇرعىندارىنىڭ زەينەتاقى تٶلەمدەرٸنٸڭ ورتاشا مٶلشەرٸ 108 858 تەڭگەنٸ قۇرايدى.
«زاڭعا سەيكەس ازاماتتارعا زەينەتاقى تٶلەمٸن تاعايىنداۋ كەزٸندە ەڭبەك ٶتٸلٸ, ەڭبەك كٸتاپشاسىنداعى, اقپاراتتىق جٷيەدەگٸ مەلٸمەتتەر نەمەسە ارحيۆ دەرەكتەرٸ نەگٸزٸندە ەسەپكە الىنادى. مۇنداي مەلٸمەتتەر بولماعان جاعدايدا ەڭبەك ٶتٸلٸن سوت شەشٸمٸ نەگٸزٸندە راستاۋعا مٷمكٸندٸك بار. قازٸرگٸ تاڭدا زەينەتاقى جٷيەسٸن جاڭعىرتۋدىڭ 2030 جىلعا دەيٸنگٸ تۇجىرىمداماسىنىڭ ەكٸنشٸ كەزەڭٸ ٸسكە اسىرىلۋدا. ونىڭ اياسىندا بازالىق زەينەتاقىنى 2030 جىلدان باستاپ ەڭ تٶمەنگٸ كەپٸلدٸك بەرٸلگەن زەينەتاقىعا اينالدىرۋ قاراستىرىلعان», - دەيدٸ اسقار مامين.
پرەمەر-مينيستر اتاپ ايتقاندا, بازالىق زەينەتاقىنىڭ ەڭ تٶمەنگٸ مٶلشەرٸن ەڭ تٶمەنگٸ كٷنكٶرٸس دەڭگەيٸ كٶلەمٸنٸڭ 54 پايىزىنان 70 پايىزىنا دەيٸن ارتتىرۋ, زەينەتاقى جٷيەسٸنە قاتىسۋ ٶتٸلٸنٸڭ 5 جىلدان كەيٸنگٸ ەربٸر جىلى ٷشٸن تٶلەم مٶلشەرٸن 2 پايىزعا ۇلعايتۋ (بۇل قازٸرگٸ كەزدەگٸدەن 10 پايىزعا ارتىق), سونداي-اق مٶلشەردٸڭ ەڭ جوعارى شەكتەۋٸن الىپ تاستاۋ كٶزدەلٸپ وتىرعانىن ايتادى.
«بۇل شارالار زەينەتاقىمەن قامسىزداندىرۋ, ونىڭ ٸشٸندە تابىسى تٶمەن ازاماتتاردىڭ ٶمٸر سٷرۋ دەڭگەيٸن كٶتەرۋگە مٷمكٸندٸك بەرەدٸ», - دەپ سەندٸرەدٸ اسقار مامين.
