قازاقستان جاڭا سالىق كودەكسٸنٸڭ نەتيجەسٸندە 2025 جىلعا قاراي قوسىمشا 4 ترلن تەڭگە سالىق جيناۋدى جوسپارلاپ وتىر. بۇل تۋرالى بٷگٸن Global Challenges Summit 2018 فورۋمىنىڭ ەكٸنشٸ كٷنگٸ جالپى وتىرىسىندا قر پرەمەر-مينيسترٸ باقىتجان ساعىنتاەۆ ايتتى, دەپ حابارلايدى قازاقپارات تٸلشٸسٸ.
«بٷگٸندە ەكونوميكالىق ٶسٸمنٸڭ جاڭا مودەلٸ, ساپالى ەكونوميكالىق ٶسٸمگە كٶشۋ قاجەتتٸگٸن تٷسٸنەمٸز. ول ەكونوميكانىڭ يندۋستريالدى تەحنولوگييالىق ترانسفورماتسيياسىنىڭ مٶدەلٸ رەتٸندەگٸ تٶرتٸنشٸ ٶنەركەسٸپتٸك رەۆوليۋتسييا ەكەندٸگٸ سٶزسٸز. ال «رۋحاني جاڭعىرۋ» ادام كاپيتالىن كەشەندٸ دامىتۋ باعدارلاماسىنا كەلسەك, قوعامدىق سانانى جاڭعىرتپاي ەكونوميكانى جاڭعىرتۋ مٷمكٸن ەمەس. مەملەكەت باسشىسى ۇسىنعان تاعى بٸر جاڭا ستراتەگييا قازاقستاندىقتارعا ارنالعان ەلەۋمەتتٸك توپتا 5 ەلەۋمەتتٸك باستاما بار», - دەدٸ باقىتجان ساعىنتاەۆ.
وسى رەتتە پرەمەر-مينيستر بۇل ستراتەگييالىق مٸندەتتەردٸڭ قالاي ورىندالاتىندىعىنا توقتالدى.
«بۇل ورايدا ٷش دەڭگەيدٸ انىقتاپ الۋعا بولادى. بٸرٸنشٸسٸ بٸزگە قاجەتتٸ جٷيەلٸ رەفورما بولماق. بٸز ول جايىندا ايتقان كەزدە جەكەشەلەندٸرۋ ارقىلى جٷرگٸزٸلەتٸن ەكونوميكانىڭ قۇرىلىمدىق ٶزگەرٸستەرٸنە باسا نازار اۋدارامىز. قازٸرگٸ ۋاقىتتا جەكەشەلەندٸرۋدٸڭ ەكٸنشٸ تولقىنى اياسىندا 800-دەن استام كومپانييا ساتىلىمعا شىعارىلدى. پروتسەسس جوسپارعا ساي جٷرگٸزٸلۋدە», - دەدٸ ول.
ونىڭ اتاپ ٶتۋٸنشە, جەكەشەلەندٸرۋگە شىعارىلعان 65-توپ كومپانييا بارلىق ينۆەستورلاردىڭ قىزىعۋشىلىعىن تۋدىرىپ وتىر. ونىڭ ٸشٸندە 9 ۇلتتىق ستراتەگييالىق كومپانييا ٸرو ارقىلى جەكەشەلەندٸرٸلەتٸن بولادى. اعىمداعى جىلى «ەير استانا», «قازاتومٶنەركەسٸپ», «قازاقتەلەكوم» كومپانييالارى ٸرو-عا شىعىرلادى دەپ كٷتٸلۋدە.
سونىمەن قاتار ول قازاقستاندا قابىلدانعان جاڭا سالىق كودەكسٸنە دە توقتالدى.
«ٶتكەن جىلى بٸز جاڭا سالىق كودەكسٸن قابىلداپ, ول اعىمداعى جىلدىڭ باسىنان قولدانىسقا ەندٸ. سالىق رەفورماسى ينۆەستيتسييالىق ٶسٸم كٶزدەرٸن ٸزدەۋگە باعىتتالعان. اتالعان ٶزگەرٸستەردٸڭ اياعىندا بٸز 2025 جىلعا قاراي قوسىمشا 4 ترلن تەڭگە سالىق جيناۋدى جوسپارلاپ وتىرمىز», - دەدٸ باقىتجان ساعىنتاەۆ.
