2020 جىلى جالپى ٸشكٸ ٶنٸمنٸڭ ٶسۋ قارقىنى مينۋس 2,6 پايىزدى قۇرادى. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى قازاقپارات.
«2020 جىلى ناقتى سەكتور ەكونوميكالىق درايۆەر بولدى. ونداعى ٶسۋ 2 پايىزدى قۇرادى. كٶرسەتٸلەتٸن قىزمەتتەر ٷشٸن ٶتكەن جىل مينۋس 5,6 پايىزبەن اياقتالدى. دەگەنمەن سوڭعى ايلاردا قارقىن قالپىنا كەلە باستادى. نەتيجەسٸندە, جالپى ٸشكٸ ٶنٸمنٸڭ ٶسۋ قارقىنى مينۋس 2,6 پايىزدى قۇرادى. بۇل 11 ايدىڭ دەڭگەيٸنەن جوعارى. ناقتى سەكتور سالالارىنىڭ كٶبٸ جەنە جەكەلەگەن قىزمەت تٷرلەرٸ ٶسۋدٸ كٶرسەتتٸ. ولار: قۇرىلىس, اقپارات جەنە بايلانىس, اۋىل شارۋاشىلىعى ٶڭدەۋ ٶنەركەسٸبٸجەنە بٸلٸم بەرۋسالالارى. سونداي-اق, كەيبٸر سالالارداعى تەرٸس ٶسۋگە قاراماستان, جىل سوڭىنا قاراي سەرپٸن جاقساردى. ولار: كٶلٸك, ساۋدا, عىلىمي جەنە تەحنيكالىق قىزمەت, جىلجىمايتىن مٷلٸكپەن وپەراتسييالار جەنە كەن ٶندٸرۋ ٶنەركەسٸبٸ», - دەدٸ مينيستر.
ونىڭ اتاپ ٶتۋٸنشە, 2020 جىلى ەكونوميكانى قولداۋ شارالارى جۇمىسپەن قامتۋ مەن ٸسكەرلٸك بەلسەندٸلٸكتٸ ساقتاۋعا ىقپال ەتتٸ. جۇمىس ورىندارىن ساقتاۋ جەنە قۇرۋ ٷشٸن جۇمىسپەن قامتۋدىڭ جول كارتاسى ٸسكە اسىرىلۋدا. زارداپ شەككەن سالالار ٷشٸن سالىقتىق ىنتالاندىرۋ شارالارى قابىلداندى.
شاعىن جەنە ورتا بيزنەستٸ جەڭٸلدٸكپەن كرەديتتەۋ قۇرالدارى ايتارلىقتاي كەڭەيتٸلدٸ. اينالىم كاپيتالىن قارجىلاندىرۋ ۇلعايتىلدى. جەڭٸلدٸكتٸ شارتتارمەن كرەديتتەردٸ قايتا قارجىلاندىرۋ, سونداي-اق كرەديتتەر بويىنشا تٶلەمدەردٸ كەيٸنگە قالدىرۋ ۇسىنىلدى. بيۋدجەتتٸك جەنە مەملەكەتتٸك باسقارۋدىڭ يكەمدٸلٸگٸ قامتاماسىز ەتٸلدٸ. بيۋدجەتتٸك ىنتالاندىرۋ ارتتى. نەتيجەسٸندە, جۇمىسپەن قامتۋ شارالارىمەن 1,4 ملن ادام قامتىلدى, ونىڭ ٸشٸندە 238 مىڭ ادام جۇمىسپەن قامتۋدىڭ جول كارتاسى اياسىندا. 700 مىڭ كەسٸپكەرگە سالىقتىق جەڭٸلدٸكتەر بەرٸلدٸ. زارداپ شەككەن سالالارداعى قارىز الۋشىلاردىڭ 80 پايىز كرەديتتٸك تٶلەمدەرٸن كەيٸنگە قالدىردى. كەسٸپكەرلەردٸڭ 40 مىڭعا جۋىق جوباسى تٶمەندەتٸلگەن مٶلشەرلەمەمەن قارجىلاندىرىلدى», - دەدٸ مينيستر.
