قازاقستاننىڭ اۆتوجول سالاسىندا 2020 جىلى اۋقىمدى جۇمىستار اتقارىلدى. قۇرىلىس, رەكونسترۋكتسييالاۋ جەنە جٶندەۋ جۇمىستارىمەن رەسپۋبليكالىق جەنە جەرگٸلٸكتٸ ماڭىزى بار جولداردىڭ 9,8 مىڭ شاقىرىمى قامتىلدى.
بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram كانالىنان مەلٸم بولدى, دەپ حابارلايدى قازاقپارات.
مەسەلەن, قۇرىلىس جەنە جاڭارتۋ جۇمىستارى 4 مىڭ شاقىرىم جولعا جٷرگٸزٸلدٸ. اتاپ ايتساق, «قاراعاندى-بالقاش-بۇرىلبايتال-قۇرتى», «اقتٶبە-اتىراۋ-استراحان», «تالدىقورعان-ٶسكەمەن», «قالباتاۋ-مايقاپشاعاي», «كٶكشەتاۋ-پەتروپاۆل-كورعان», «ۇزىناعاش-وتار», «مەركە-بۇرىلبايتال», «قوستاناي-دەنيسوۆكا» جەنە «ٷشارال-دوستىق» جوبالارى.
ال جٶندەۋ جۇمىستارى 1,8 مىڭ شاقىرىم رەسپۋبليكالىق جەلٸنٸ قامتىدى: كٷردەلٸ جٶندەۋ – 433 كم, ورتاشا جٶندەۋ – 1 385 كم. جىل سوڭىندا 2,6 مىڭ شاقىرىم اۆتوجولدا قوزعالىس جاندانىپ, رەسپۋبليكالىق ماڭىزى بار 1,1 مىڭ شاقىرىم تاسجولدا جٶندەۋ جۇمىستارى اياقتالدى.
وبلىستىق جەنە اۋداندىق ماڭىزدى جولداردىڭ 4 مىڭ شاقىرىمى قامتىلىپ, جۇمىستار 2,7 مىڭ شاقىرىمىندا اياقتالدى.
بۇدان بٶلەك, 2020 جىلى اۆتوموبيل جولدارىن ٶزٸن-ٶزٸ كٷتٸپ-ۇستاۋعا كٶشٸرۋ ماقساتىندا 5,8 مىڭ شاقىرىم جولعا اقى الۋ جٷيەسٸ ەنگٸزٸلدٸ. سونداي-اق, ەلدٸڭ بٸرقاتار ٶڭٸرٸندە قوعامدىق تىڭداۋلار ٶتكٸزٸلدٸ.
جىل قورىتىندىسى بويىنشا اۆتوجولداردىڭ ۇلتتىق ستاندارت تالاپتارىنا سەيكەس كەلەتٸن جول بويىنداعى سەرۆيس نىساندارىمەن قامتاماسىز ەتٸلۋٸ 58%-عا جەتكٸزٸلدٸ.
اتاپ ٶتۋ كەرەك, اۆتوجول جوبالارىن جٷزەگە اسىرۋ بارىسىندا 200 مىڭ ادام جۇمىلدىرىلدى.
