Qazaqstannyń avtojol salasynda 2020 jyly aýqymdy jumystar atqaryldy. Qurylys, rekonstrýktsiialaý jáne jóndeý jumystarymen respýblikalyq jáne jergilikti mańyzy bar joldardyń 9,8 myń shaqyrymy qamtyldy.
Bul týraly QR Indýstriia jáne infraqurylymdyq damý ministrliginiń Telegram kanalynan málim boldy, dep habarlaidy QazAqparat.
Máselen, qurylys jáne jańartý jumystary 4 myń shaqyrym jolǵa júrgizildi. Atap aitsaq, «Qaraǵandy-Balqash-Burylbaital-Qurty», «Aqtóbe-Atyraý-Astrahan», «Taldyqorǵan-Óskemen», «Qalbataý-Maiqapshaǵai», «Kókshetaý-Petropavl-Korǵan», «Uzynaǵash-Otar», «Merke-Burylbaital», «Qostanai-Denisovka» jáne «Úsharal-Dostyq» jobalary.
Al jóndeý jumystary 1,8 myń shaqyrym respýblikalyq jelini qamtydy: kúrdeli jóndeý – 433 km, ortasha jóndeý – 1 385 km. Jyl sońynda 2,6 myń shaqyrym avtojolda qozǵalys jandanyp, respýblikalyq mańyzy bar 1,1 myń shaqyrym tasjolda jóndeý jumystary aiaqtaldy.
Oblystyq jáne aýdandyq mańyzdy joldardyń 4 myń shaqyrymy qamtylyp, jumystar 2,7 myń shaqyrymynda aiaqtaldy.
Budan bólek, 2020 jyly avtomobil joldaryn ózin-ózi kútip-ustaýǵa kóshirý maqsatynda 5,8 myń shaqyrym jolǵa aqy alý júiesi engizildi. Sondai-aq, eldiń birqatar óńirinde qoǵamdyq tyńdaýlar ótkizildi.
Jyl qorytyndysy boiynsha avtojoldardyń ulttyq standart talaptaryna sáikes keletin jol boiyndaǵy servis nysandarymen qamtamasyz etilýi 58%-ǵa jetkizildi.
Atap ótý kerek, avtojol jobalaryn júzege asyrý barysynda 200 myń adam jumyldyryldy.
