2020 جىلى باعانىڭ جالپى ٶسۋٸنە ازىق-تٷلٸك ينفلياتسيياسى ەڭ كٶپ ەسەر ەتتٸ. بۇل تۋرالى ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«جىلدىق ينفلياتسييا دا بٸر اي بۇرىنعى 7,3 پايىزبەن سالىستىرعاندا 2020 جىلدىڭ سوڭىندا 7,5 پايىزعا دەيٸن جىلدامداپ, ۇلتتىق بانكتٸڭ 7,0-7,5% دەڭگەيٸندەگٸ بولجامىنا سەيكەس قالىپتاستى. باعانىڭ جالپى ٶسۋٸنە ازىق-تٷلٸك ينفلياتسيياسى ەڭ كٶپ ىقپال ەتتٸ. ازىق-تٷلٸك تاۋارلارى باعاسىنىڭ جىلدىق ٶسۋٸ نارىقتاردا جەكەلەگەن تاماق ٶنٸمدەرٸنٸڭ تەڭگەرٸمسٸزدٸگٸ كٷشەيگەننەن 10,8 پايىزدان 11,3 پايىزعا دەيٸن ۇلعايدى», - دەدٸ ول.
ونىڭ ايتۋىنشا, ازىق-تٷلٸككە جاتپايتىن ينفلياتسييا كيٸم مەن اياق كيٸم باعاسىنىڭ 4,8 پايىزعا دەيٸن تٶمەندەۋٸنٸڭ اياسىندا 5,7 پايىزدان 5,5 پايىزعا دەيٸن باياۋلادى.
«اقىلى قىزمەت ينفلياتسيياسى قوعامدىق تاماقتانۋ قىزمەتٸ مەن قوناق ٷيدە قىزمەت كٶرسەتۋ باعاسىنىڭ ٶسۋٸنە بايلانىستى 4,1 پايىزدان 4,2 پايىزعا دەيٸن جەدەلدەدٸ», - دەدٸ ەربولات دوساەۆ.
