2020 jyly baǵanyń jalpy ósýine azyq-túlik infliatsiiasy eń kóp áser etti. Bul týraly Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Jyldyq infliatsiia da bir ai burynǵy 7,3 paiyzben salystyrǵanda 2020 jyldyń sońynda 7,5 paiyzǵa deiin jyldamdap, Ulttyq banktiń 7,0-7,5% deńgeiindegi boljamyna sáikes qalyptasty. Baǵanyń jalpy ósýine azyq-túlik infliatsiiasy eń kóp yqpal etti. Azyq-túlik taýarlary baǵasynyń jyldyq ósýi naryqtarda jekelegen tamaq ónimderiniń teńgerimsizdigi kúsheigennen 10,8 paiyzdan 11,3 paiyzǵa deiin ulǵaidy», - dedi ol.
Onyń aitýynsha, azyq-túlikke jatpaityn infliatsiia kiim men aiaq kiim baǵasynyń 4,8 paiyzǵa deiin tómendeýiniń aiasynda 5,7 paiyzdan 5,5 paiyzǵa deiin baiaýlady.
«Aqyly qyzmet infliatsiiasy qoǵamdyq tamaqtaný qyzmeti men qonaq úide qyzmet kórsetý baǵasynyń ósýine bailanysty 4,1 paiyzdan 4,2 paiyzǵa deiin jedeldedi», - dedi Erbolat Dosaev.
