2019 جىلدىڭ 1 قاڭتارىنان باستاپ جالاقىسى تٶمەن ازاماتتاردىڭ تابىس سالىعى 10 ەسەگە ازايادى. بۇل تۋرالى بٷگٸن قر پارلامەنتٸ پالاتالارىنىڭ بٸرلەسكەن وتىرىسىندا مەملەكەت باسشىسى نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«بارشاڭىزدى جاڭا پارلامەنتتٸك ماۋسىمنىڭ باستالۋىمەن قۇتتىقتايمىن. سٸزدەر جازدا ٶڭٸرلەردٸ ارالاپ, ەلدٸڭ تىنىس-تٸرشٸلٸگٸمەن جەتٸك تانىستىڭىزدار. حالىقتى نە تولعاندىراتىنىن, قانداي مەسەلەلەر بار ەكەنٸن كٶزبەن كٶرٸپ, بٸلٸپ كەلدٸڭٸزدەر. ول بارشا قازاقستاندىقتاردىڭ ەل-اۋقاتىن جاقسارتۋ جولىنداعى قىزمەتتەرٸڭٸزگە قاجەت. كەزەك كٷتتٸرمەي قولعا الىنۋعا تيٸستٸ ماڭىزدى جۇمىستار قازٸردٸڭ ٶزٸندە جەتكٸلٸكتٸ. قوس پالاتانىڭ بٸرلەسكەن وتىرىسىندا باسىمدىقتاردى ايقىنداپ, بٸردەن ٸسكە كٸرٸسۋٸمٸز كەرەك. ستراتەگييالىق نىسانا بەرٸمٸزگە بەلگٸلٸ. ول ٶزٸمٸز قابىلداعان 2050-شٸ دەيٸنگٸ ستراتەگييانىڭ نەگٸزگٸ العا قويعان ماقساتى 30 ەلدٸڭ قاتارىنا قوسىلۋ - بٸزدٸڭ اينىماس مەجەمٸز. دەيەكتٸ ساياسات پەن كەشەندٸ شارالار جٷرگٸزٸپ, ماقساتتى تٷردە العا باسىپ كەلەمٸز», - دەدٸ ەلباسى.
وسى رەتتە مەملەكەت باسشىسى بەس ەلەۋمەتتٸك باسىمدىقتى جارييا ەتكەنٸن, پارلامەنت پەن ٷكٸمەت بٸرلەسٸپ, جۇمىس ٸستەپ, ونى جٷزەگە اسىرۋعا قاجەتتٸ بارلىق زاڭنامالاردىڭ العاشقى شارتتارىن جاساعانىن ايتتى.
«7-20-25» باعدارلاماسى بويىنشا العاشقى نەسيەلەر بەرٸلە باستادى. قوسىمشا 20 مىڭ بٸلٸم گرانتى بەرٸلدٸ. 70 مىڭ ورىندىق جاتاقحانا قۇرىلىسىنا دايىندىق اياقتالدى, كەي ٶڭٸرلەردە باستالدى. جاڭا جىلدان باستاپ جالاقىسى تٶمەن ازاماتتاردىڭ تابىس سالىعى 10 ەسەگە ازايادى. جەكە ٸس باستاۋعا بەرٸلەتٸن نەسيەلەر كٶلەمٸ 62 ملرد تەڭگەگە كٶبەيدٸ. سارىارقا گاز قۇبىرى قۇرىلىسىنا دايىندىق جۇمىستارى اياقتالىپ قالدى. وسىلايشا مەن جارييالاعان ەلەۋمەتتٸك جاڭعىرۋدىڭ تاعى بٸر باعدارلاماسىن ٸسكە اسىرۋدىڭ بارلىق نەگٸزٸ قالاندى. وسىنى باقىلاپ, ۋاقىتىندا ٸسكە اسىرۋ باعىتىندا جۇمىس جاساۋمىمىز كەرەك», - دەدٸ نۇرسۇلتان نازارباەۆ.
