قازاقستانداعى گوبەلەن ٶنەرٸنٸڭ نەگٸزٸن قالاۋشىلاردىڭ بٸرٸ, سۋرەتشٸ بەتيما زەۋٸربەكوۆا – ۇلتتىق بەينەلەۋ جەنە سەندٸك-قولدانبالى ٶنەرگە ٶزٸندٸك قولتاڭباسىن قالدىرعان تۇلعا. ول قازاقستان رەسپۋبليكاسى سۋرەتشٸلەر وداعىنىڭ مٷشەسٸ, ش. ۋەليحانوۆ اتىنداعى مەملەكەتتٸك سىيلىقتىڭ لاۋرەاتى, قازاقستان رەسپۋبليكاسىنىڭ ەڭبەك سٸڭٸرگەن مەدەنيەت قايراتكەرٸ, كٶپتەگەن وبلىستىق جەنە حالىقارالىق كٶرمەلەردٸڭ قاتىسۋشىسى ەرٸ جەڭٸمپازى.
بەتيما زەۋٸربەكوۆانىڭ ەسٸمٸ ٶنەرسٷيەر قاۋىمعا قازاقستانداعى گوبەلەن ٶنەرٸنٸڭ نەگٸزٸن قالاۋشى رەتٸندە كەڭٸنەن تانىس. ول – ەلٸمٸزدەگٸ گوبەلەن كارتينالارىن جاساعان تۇڭعىش ەيەل سۋرەتشٸ. ونىڭ شىعارماشىلىعى قازٸرگٸ قازاقستاندىق ٶنەردٸڭ دامۋىنا زور ٷلەس قوستى.
200-دەن استام تۋىندىنىڭ اۆتورى
سۋرەتشٸنٸڭ شىعارماشىلىق مۇراسى اۋقىمدى. بەتيما زەۋٸربەكوۆا 200-دەن استام تۋىندىنىڭ اۆتورى. ولاردىڭ قاتارىندا گوبەلەندەر, كارتينالار مەن سەندٸك كەنەپتەر, پورترەتتەر مەن ناتيۋرمورتتار بار.
ەبٸلحان قاستەەۆ اتىنداعى قازاقستان رەسپۋبليكاسى مەملەكەتتٸك ٶنەر مۇراجايىنىڭ قورىندا سۋرەتشٸنٸڭ 17 تۋىندىسى ساقتاۋلى. بۇل ەڭبەكتەر ەلٸمٸزدٸڭ ۇلتتىق قازىناسىنا ەنٸپ, مۇراجاي ەكسپوزيتسيياسىنان لايىقتى ورىن العان.
بەتيما زەۋٸربەكوۆانىڭ ٷزدٸك تۋىندىلارى قازاقستاننىڭ ٸرٸ مۇراجايلارىندا عانا ەمەس, شەتەلدە دە ساقتاۋلى. ونىڭ شىعارمالارى اۆسترالييا, گەرمانييا, فرانتسييا, اقش, يتالييا, كانادا, تٷركييا, شۆەيتسارييا جەنە قازاقستانداعى جەكە كوللەكتسييالارعا ەنگەن.
گوبەلەن ٶنەرٸنە ٶمٸر بويى ادال بولدى
بەتيما زەۋٸربەكوۆا 1946 جىلعى 29 تامىزدا جامبىل وبلىسىنىڭ فۋرمانوۆكا اۋىلىندا دٷنيەگە كەلگەن. 1964 جىلى الماتى كٶركەمسۋرەت ۋچيليششەسٸنە وقۋعا تٷسٸپ, 1969 جىلى وسى وقۋ ورنىنىڭ ديزاين بٶلٸمٸن ويداعىداي تەمامدادى.
وقۋىن اياقتاعاننان كەيٸن سۋرەتشٸ گوبەلەن ٶنەرٸنە دەن قويۋدى تاڭدادى. سودان بەرٸ ول كٶپ جىل بويى سەندٸك-قولدانبالى ٶنەردٸڭ وسى تٷرٸنە ادال بولىپ قالدى.
باتىس مەدەنيەتٸ زاماناۋي سەندٸك-قولدانبالى ٶنەرگە ەنگٸزگەن گوبەلەن تەحنيكاسى سىرتقى سيپاتى جاعىنان قازاقتىڭ دەستٷرلٸ تەگٸس توقىلعان بۇيىمدارى – الاشا, تاقىر كٸلەم, باۋ جەنە باسقۇرعا ۇقسايدى. بەتيما زەۋٸربەكوۆا نەگٸزٸنەن تٸك توقىما ستانوگىندا جاسالاتىن, توقۋ تىعىزدىعىمەن ەرەكشەلەنەتٸن دەستٷرلٸ جازىق گوبەلەنگە باسىمدىق بەرەدٸ.
ۇلتتىق ويۋ-ٶرنەك پەن تاريح توعىسقان ٶنەر
بەتيما زەۋٸربەكوۆانىڭ گوبەلەندەرٸنەن قازاقتىڭ ويۋ-ٶرنەگٸ, تاريحى, ەتنوگرافيياسى مەن فولكلورىنىڭ تەرەڭ كٶركەمدٸك تٷسٸندٸرمەسٸن كٶرۋگە بولادى. مۇنىڭ بەرٸ كەسكٸندەمەمەن ٷيلەسٸم تاۋىپ, بٸرتۇتاس دٷنيە قۇرايدى. قازاق دالاسىنىڭ ٶسٸمدٸكتەرٸ مەن جانۋارلار ەلەمٸنە تەن قايتالانباس بوياۋلار سۋرەتشٸنٸڭ تۋىندىلارىندا جٸپ ارقىلى ٶرٸلگەن كارتيناعا اينالادى.
ونىڭ شىعارمالارىنداعى تۇتاستىق يدەياسى مەن كٶركەم وبرازدىڭ بارلىق بٶلٸگٸنٸڭ ٶزارا ساباقتاستىعى ستيلدەۋ ارقىلى بەرٸلەدٸ. قازاقتىڭ ٶزٸنە تەن تولقىندى سىزىقتارى مەن قوزعالىسقا تولى ٶسٸمدٸك ٶرنەكتەرٸ سۋرەتشٸ ەڭبەكتەرٸندەگٸ نەگٸزگٸ كٶركەمدٸك قۇرالداردىڭ بٸرٸنە اينالعان.
وسىنىڭ بەرٸ بەتيما زەۋٸربەكوۆانىڭ گوبەلەندەرٸنە ايرىقشا ۇلتتىق رەڭ بەرەدٸ. ٷيلەسٸمدٸ تٷستەر پاليتراسى, ىرعاقتى دەل سەزٸنۋٸ, كومپوزيتسييانى قۇرۋداعى تٷرلٸ سەندٸك-پلاستيكالىق تەسٸلدەرٸ مەن بەينەلەردٸ جيناقتاپ جەتكٸزۋدەگٸ تەرەڭدٸگٸ سۋرەتشٸنٸڭ ٶزٸندٸك كٶركەمدٸك ستيلٸن ايقىندايدى.
