قازاقستان رەسپۋبليكاسىنىڭ باس پروكۋراتۋراسى قىرعىز رەسپۋبليكاسىنان اسا ٸرٸ مٶلشەردەگٸ ەسٸرتكٸ زاتتارىنىڭ كونترابانداسى جەنە ولاردى ٶتكٸزۋ فاكتٸسٸ بويىنشا سوتتالعان قازاقستان ازاماتشاسىن ەكستراديتسييالادى, دەپ حابارلايدى ult.kz.
پروكۋراتۋرانىڭ مەلٸمەتٸنشە, ەيەل 2010 جىلى جامبىل وبلىسىنىڭ مامانداندىرىلعان اۋدانارالىق قىلمىستىق ٸستەر جٶنٸندەگٸ سوتىنىڭ ٷكٸمٸمەن كٸنەلٸ دەپ تانىلعان. تەرگەۋ بارىسىندا ونىڭ اقشالاي سىياقى ٷشٸن سالماعى 1 كەلٸدەن اساتىن گاشيشتٸ ٶتكٸزۋ ماقساتىندا قازاقستاننىڭ مەملەكەتتٸك شەكاراسى ارقىلى زاڭسىز تاسىمالداعانى انىقتالعان.
سوت وعان مٷلكٸن تەركٸلەي وتىرىپ, 15 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداعان.
الايدا سوتتالعاننىڭ قاراۋىندا كەمەلەتكە تولماعان بالاسى بولعاندىقتان, جازانى ٶتەۋ مەرزٸمٸ بالاسى 14 جاسقا تولعانعا دەيٸن كەيٸنگە قالدىرىلعان.
سوعان قاراماستان, پروباتسييالىق باقىلاۋدا جٷرگەن ەيەل 2017 جىلى سوت ٷكٸمٸن ورىنداۋدان جالتارىپ كەتكەن. وسىعان بايلانىستى وعان حالىقارالىق ٸزدەۋ جارييالانعان.
باس پروكۋراتۋرانىڭ حابارلاۋىنشا, بيىل ناۋرىز ايىندا ٸزدەۋدە جٷرگەن ازاماتشا قىرعىزستاننىڭ بٸشكەك قالاسىندا ۇستالعان. كەيٸن قازاقستان تاراپىنىڭ سۇراۋى بويىنشا ول ەلگە ەكستراديتسييالانعان.
قازٸرگٸ ۋاقىتتا سوتتالعان تەرگەۋ يزولياتورىنا قامالىپ, سوت ٷكٸمٸن ورىنداۋ رەسٸمدەرٸ جٷرگٸزٸلٸپ جاتىر.
