Qazaqstan Respýblikasynyń Bas prokýratýrasy Qyrǵyz Respýblikasynan asa iri mólsherdegi esirtki zattarynyń kontrabandasy jáne olardy ótkizý faktisi boiynsha sottalǵan Qazaqstan azamatshasyn ekstraditsiialady, dep habarlaidy ult.kz.
Prokýratýranyń málimetinshe, áiel 2010 jyly Jambyl oblysynyń mamandandyrylǵan aýdanaralyq qylmystyq ister jónindegi sotynyń úkimimen kináli dep tanylǵan. Tergeý barysynda onyń aqshalai syiaqy úshin salmaǵy 1 keliden asatyn gashishti ótkizý maqsatynda Qazaqstannyń memlekettik shekarasy arqyly zańsyz tasymaldaǵany anyqtalǵan.
Sot oǵan múlkin tárkilei otyryp, 15 jyl 6 ai merzimge bas bostandyǵynan aiyrý jazasyn taǵaiyndaǵan.
Alaida sottalǵannyń qaraýynda kámeletke tolmaǵan balasy bolǵandyqtan, jazany óteý merzimi balasy 14 jasqa tolǵanǵa deiin keiinge qaldyrylǵan.
Soǵan qaramastan, probatsiialyq baqylaýda júrgen áiel 2017 jyly sot úkimin oryndaýdan jaltaryp ketken. Osyǵan bailanysty oǵan halyqaralyq izdeý jariialanǵan.
Bas prokýratýranyń habarlaýynsha, biyl naýryz aiynda izdeýde júrgen azamatsha Qyrǵyzstannyń Bishkek qalasynda ustalǵan. Keiin Qazaqstan tarapynyń suraýy boiynsha ol elge ekstraditsiialanǵan.
Qazirgi ýaqytta sottalǵan tergeý izoliatoryna qamalyp, sot úkimin oryndaý rásimderi júrgizilip jatyr.
