ٸرٸ كٶلەمدە ەسٸرتكٸ كونترابانداسى ٷشٸن سوتتالعان قازاقستاندىق ەيەل قىرعىزستاننان ەلگە ەكستراديتسييالاندى. ول بٸرنەشە جىل بويى قۇقىق قورعاۋ ورگاندارىنان جاسىرىنىپ جٷرگەن, دەپ حابارلايدى ult.kz.
2010 جىلى جامبىل وبلىسىنىڭ سوتى ەيەلدٸ مٷلكٸن تەركٸلەي وتىرىپ, 15 جىل 6 ايعا باس بوستاندىعىنان ايىرعان. تەرگەۋ مەلٸمەتٸنشە, ول ساتۋ ماقساتىندا بٸر كەلٸدەن استام گاشيشتٸ قازاقستان شەكاراسى ارقىلى زاڭسىز ٶتكٸزگەن.
الايدا بالاسىنىڭ جاسىنا بايلانىستى سوت ٷكٸمٸنٸڭ ورىندالۋى ونىڭ 14 جاسقا تولۋىنا دەيٸن كەيٸنگە شەگەرٸلگەن. كەيٸن ەيەل شارتتى تٷردە بوساتىلعانىمەن, 2017 جىلى ٸز-تٷزسٸز جوعالىپ كەتكەن. وسىعان بايلانىستى وعان حالىقارالىق ٸزدەۋ جارييالانعان.
2026 جىلدىڭ ناۋرىز ايىندا قاشقىن بٸشكەك قالاسىندا ۇستالدى. باس پروكۋراتۋرانىڭ سۇراۋى بويىنشا ول قازاقستانعا ەكستراديتسييالاندى.
قازٸر ەيەل تەرگەۋ يزولياتورىنا قامالدى. ول 16 جىل بۇرىن تاعايىندالعان جازاسىن ٶتەۋٸ تيٸس.
