Iri kólemde esirtki kontrabandasy úshin sottalǵan qazaqstandyq áiel Qyrǵyzstannan elge ekstraditsiialandy. Ol birneshe jyl boiy quqyq qorǵaý organdarynan jasyrynyp júrgen, dep habarlaidy ult.kz.
2010 jyly Jambyl oblysynyń soty áieldi múlkin tárkilei otyryp, 15 jyl 6 aiǵa bas bostandyǵynan aiyrǵan. Tergeý málimetinshe, ol satý maqsatynda bir keliden astam gashishti Qazaqstan shekarasy arqyly zańsyz ótkizgen.
Alaida balasynyń jasyna bailanysty sot úkiminiń oryndalýy onyń 14 jasqa tolýyna deiin keiinge shegerilgen. Keiin áiel shartty túrde bosatylǵanymen, 2017 jyly iz-túzsiz joǵalyp ketken. Osyǵan bailanysty oǵan halyqaralyq izdeý jariialanǵan.
2026 jyldyń naýryz aiynda qashqyn Bishkek qalasynda ustaldy. Bas prokýratýranyń suraýy boiynsha ol Qazaqstanǵa ekstraditsiialandy.
Qazir áiel tergeý izoliatoryna qamaldy. Ol 16 jyl buryn taǵaiyndalǵan jazasyn óteýi tiis.
