قارجىلىق مونيتورينگ اگەنتتٸگٸ شىعىس قازاقستان جەنە اباي وبلىستارىنداعى ەلەۋمەتتٸك ماڭىزى بار نىساندار قۇرىلىسىنا قاتىستى ٸرٸ زاڭبۇزۋشىلىق فاكتٸسٸ بويىنشا تەرگەۋ جٷرگٸزٸپ جاتىر. ٸس اياسىندا "ۆوستوك ينجينيرينگ" جشس باسشىسى ٸزدەۋگە جارييالاندى, دەپ حابارلايدى ult.kz.
تەرگەۋ مەلٸمەتٸنشە, كومپانييا 2020–2023 جىلدارى جەتٸ ەلەۋمەتتٸك نىساننىڭ قۇرىلىسىنا تەحنيكالىق قاداعالاۋ جٷرگٸزگەن. ونىڭ مٸندەتٸنە قۇرىلىس-مونتاج جۇمىستارىنىڭ ساپاسى مەن كٶلەمٸن باقىلاۋ, سونداي-اق جوبالىق-سمەتالىق قۇجاتتاما تالاپتارىنىڭ ساقتالۋىن تەكسەرۋ كٸرگەن.
الايدا اگەنتتٸك دەرەگٸنە سەيكەس, كەسٸپورىن كٶرسەتٸلگەن قىزمەتتەرٸ ٷشٸن قارجى العانىمەن, قۇرىلىس بارىسىنا تيٸستٸ باقىلاۋ جٷرگٸزبەگەن. كەرٸسٸنشە, كومپانييا باسشىسى ناقتى ورىندالماعان جۇمىستار تۋرالى جالعان مەلٸمەتتەر ەنگٸزٸلگەن قابىلداۋ اكتٸلەرٸنە قول قويعان دەگەن كٷدٸككە ٸلٸندٸ.
تەرگەۋ بارىسىندا جٷرگٸزٸلگەن تٸنتۋ كەزٸندە مٶرلەردٸڭ كٶشٸرمەلەرٸ مەن جالعان قۇجاتتار تابىلعان. الدىن الا ەسەپ بويىنشا مەملەكەتكە كەلتٸرٸلگەن زالال كٶلەمٸ 1,2 ملرد تەڭگەدەن اسقان.
قارجىلىق مونيتورينگ اگەنتتٸگٸنٸڭ حابارلاۋىنشا, سەرٸكتەستٸك باسشىسى ٸزدەۋگە جارييالانعان. سوتتىڭ سانكتسيياسىمەن وعان قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى سىرتتاي تاڭدالدى.
قازٸرگٸ ۋاقىتتا ٸس بويىنشا تەرگەۋ جالعاسىپ جاتىر. قۇقىق قورعاۋ ورگاندارى كٷدٸكتٸنٸڭ جٷرگەن جەرٸن انىقتاۋ جەنە ٸستٸڭ بارلىق مەن-جايىن تەكسەرۋ جۇمىستارىن جٷرگٸزۋدە.
