Qarjylyq monitoring agenttigi Shyǵys Qazaqstan jáne Abai oblystaryndaǵy áleýmettik mańyzy bar nysandar qurylysyna qatysty iri zańbuzýshylyq faktisi boiynsha tergeý júrgizip jatyr. Is aiasynda "Vostok Injiniring" JShS basshysy izdeýge jariialandy, dep habarlaidy ult.kz.
Tergeý málimetinshe, kompaniia 2020–2023 jyldary jeti áleýmettik nysannyń qurylysyna tehnikalyq qadaǵalaý júrgizgen. Onyń mindetine qurylys-montaj jumystarynyń sapasy men kólemin baqylaý, sondai-aq jobalyq-smetalyq qujattama talaptarynyń saqtalýyn tekserý kirgen.
Alaida agenttik deregine sáikes, kásiporyn kórsetilgen qyzmetteri úshin qarjy alǵanymen, qurylys barysyna tiisti baqylaý júrgizbegen. Kerisinshe, kompaniia basshysy naqty oryndalmaǵan jumystar týraly jalǵan málimetter engizilgen qabyldaý aktilerine qol qoiǵan degen kúdikke ilindi.
Tergeý barysynda júrgizilgen tintý kezinde mórlerdiń kóshirmeleri men jalǵan qujattar tabylǵan. Aldyn ala esep boiynsha memleketke keltirilgen zalal kólemi 1,2 mlrd teńgeden asqan.
Qarjylyq monitoring agenttiginiń habarlaýynsha, seriktestik basshysy izdeýge jariialanǵan. Sottyń sanktsiiasymen oǵan qatysty qamaýda ustaý túrindegi bultartpaý sharasy syrttai tańdaldy.
Qazirgi ýaqytta is boiynsha tergeý jalǵasyp jatyr. Quqyq qorǵaý organdary kúdiktiniń júrgen jerin anyqtaý jáne istiń barlyq mán-jaiyn tekserý jumystaryn júrgizýde.
